Priyank Panchal Wedding | आयपीएल सुरू असताना गुजरातच्या धाकड क्रिकेटरने बांधली लग्नगाठ, पाहा लग्नाचे फोटो
Priyank Panchal Wedding | देशात आयपीएलची रणधुमाळी सुरू असतानाच देशांतर्गत क्रिकेटमध्ये भरघोस धावा करणारा भारतीय क्रिकेटपटू प्रियांक पांचाळ याने लग्न केले आहे. प्रियांकने क्रीडा मानसशास्त्रज्ञ कलना शुक्ला हिला आपला साथीदार बनवले. गुजरातचा उजव्या हाताचा फलंदाज प्रियांक पांचाळने आपल्या लग्नाचा फोटो सोशल मीडियावर शेअर केला आहे. त्याने कलना शुक्लासोबतच्या त्याच्या लग्नाचे 5 फोटो इंस्टाग्रामवर शेअर केले आहेत ज्यात हे जोडपे खूपच सुंदर दिसत आहे.
33 वर्षीय सलामीवीर प्रियांक पांचाळने लग्नाचा फोटो (Priyank Panchal Wedding) शेअर केला आणि लिहिले, ‘आम्ही वचनांनी भरलेल्या अंतःकरणाने, प्रेमाच्या सुंदर प्रवासात आमच्या वाटेवर सामील होतोय. आमची कथा शेअर करण्यास उत्सुक आहे. प्रियांक आणि कलना.’
गुजरातचा कर्णधार असलेले प्रियांक पांचाळ आणि कलना शुक्ला यांच्या लग्नानंतर या जोडप्याला शुभेच्छा देण्यासाठी लोकांची गर्दी होत आहे. युझवेंद्र चहलने लाल हृदयाच्या इमोजीसह अभिनंदन केले, तर व्यंकटेश अय्यरनेही या सुंदर जोडप्याला भविष्यासाठी शुभेच्छा दिल्या.
प्रियांक पांचाळ आणि कलना शुक्ला यांची नोव्हेंबर 2023 मध्ये एंगेजमेंट झाली. 28 मार्च रोजी दोन दिवस चाललेल्या सोहळ्यात दोघांनी लग्न केले. प्रियांक पांचाळने प्रथम श्रेणी क्रिकेट आणि लिस्ट ए क्रिकेटमध्ये एकूण 35 शतके झळकावली आहेत, ज्यामध्ये प्रथम श्रेणी क्रिकेटमध्ये 27 शतके आणि लिस्ट ए मध्ये 8 शतकांचा समावेश आहे.
प्रियांक पांचाळने 120 प्रथम श्रेणी सामन्यांमध्ये 8423 धावा केल्या आहेत ज्यात त्याची सर्वोत्तम धावसंख्या 314 नाबाद आहे. त्याने 97 लिस्ट ए सामन्यांमध्ये 3672 धावा केल्या आहेत तर 59 टी-20 सामन्यांमध्ये 1522 धावा केल्या आहेत.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
महत्वाच्या बातम्या :
शिवसेना शिंदे गटाने जाहीर केली उमेदवारांची पहिली यादी, पाहा कोणाला मिळालं तिकीट?
Nana Patole | लोकशाही व संविधान वाचवण्यासाठी लोकसभा निवडणुकीत एकजुटीने लढण्याची गरज
Prakash Ambedkar | ‘वंचितच्या पाठीत खंजीर खुपसला’! आंबडेकरांचा संजय राऊतांवर हल्लाबोल