Rahul Gandhi की Arvind Kejriwal! 2024 साठी विरोधकांचा चेहरा कोण?

INDIA Alliance : देशात एप्रिल किंवा मे 2024 मध्ये लोकसभा निवडणुका होण्याची शक्यता आहे. त्याआधी, एकूण 28 विरोधी पक्षांनी एनडीएशी (NDA) स्पर्धा करण्यासाठी इंडिया नावाची आघाडी स्थापन केली आहे. विरोधकांच्या आतापर्यंत तीन यशस्वी बैठका होऊनही अलायन्स इंडियाचे नेतृत्व कोण करणार याबाबत सस्पेंस आहे. मात्र, या आघाडीत एक समन्वय समिती स्थापन करण्यात आली असून, ही समिती निवडणुकीसंदर्भातील रणनीतीवर काम करणार आहे. दरम्यान, भारत आघाडीसाठी सर्वात योग्य चेहऱ्याबाबत केलेल्या सर्वेक्षणात धक्कादायक माहिती समोर आली आहे.

विरोधी आघाडीचे नेतृत्व करण्यासाठी सर्वात योग्य चेहरा कोण आहे? या प्रश्नावर मिळालेले उत्तर देशातील सर्वात जुन्या पक्षाच्या बाजूने गेले आहे. सर्वेक्षणानुसार, काँग्रेसचे वायनाडचे खासदार राहुल गांधी यांना सर्वाधिक पसंती मिळाली आहे. सर्वेक्षणात राहुल गांधींना 24 टक्के मते मिळाली आहेत. तर या प्रश्नावर अरविंद केजरीवाल आणि ममता बॅनर्जी यांना समान गुण मिळाले आहेत. सर्वेक्षणात दोन्ही मुख्यमंत्र्यांना 15 टक्के मते मिळाली आहेत.

या वर्षी जानेवारीच्या अखेरीस 2024 मध्ये होणाऱ्या लोकसभा निवडणुकीसाठी सर्वात योग्य चेहऱ्याबाबतही विरोधकांकडून सर्वेक्षण करण्यात आले होते . त्यावेळी या आघाडीची स्थापना झाली नसली तरी हे सर्वेक्षण सामूहिक विरोधी पक्ष म्हणून करण्यात आले होते. सर्वेक्षणानुसार अरविंद केजरीवाल यांना सर्वाधिक पसंती मिळाली. तर राहुल गांधी तिसऱ्या क्रमांकावर तर ममता बॅनर्जी दुसऱ्या क्रमांकावर होत्या. सर्वेक्षणात राहुल गांधींना 13 टक्के, ममता बॅनर्जी यांना 20 टक्के आणि केजरीवाल यांना 27 टक्के मते मिळाली आहेत.

https://www.youtube.com/watch?v=RsojeTFHYGA&t=2s

महत्त्वाच्या बातम्या-