‘सोबत असलेल्या घटक पक्षांच्या आमदारांना फोडण्याचे पाप करणाऱ्यांना फळं तर मिळणारच ना’
मुंबई – विधान परिषदेच्या निकालाने (Result of the Legislative Council) महाविकास आघाडीला (MVA) झटका बसला असून, शिवसेनेतील (Shivsena) महत्त्वाचे नेते आणि सध्या कॅबिनेट मंत्री एकनाथ शिंदे नाराज असल्याचे वृत्त आहे. शिंदे हे सध्या गुजरातमध्ये (Eknath Shinde in Gujarat) गेले आहेत. सध्या ते सुरतमधील ली मेरिडिअन या हॉटेलमध्ये आहेत अशी माहिती समोर येत आहे.
राज्यात राजकीय भूकंप घडवणाऱ्या शिवसेनेतील आजवरच्या सर्वात मोठ्या बंडानं ठाकरे सरकार अडचणीत आलं आहे. याचवेळी एकनाथ शिंदे यांच्यासोबत 35 आमदार असल्याची चर्चा आहे. या आमदारांची भूमिकाही आता समोर आली असून त्यांना काँग्रेस-राष्ट्रवादीबरोबरचं सरकार अमान्य असल्याचं कळत आहे भाजपबरोबर गेल्यास आम्ही अजूनही शिवसेनेसोबत असल्याची भूमिका बंडखोर आमदारांनी घेतल्याची माहिती मिळत आहे. आम्ही शिवसैनिक आहोत आणि अजूनही शिवसेनेसोबतच आहोत, अशी भूमिका बंडखोर आमदारांनी घेतल्याची माहिती मिळत आहे.
यादरम्यान स्वाभिमानी शेतकरी संघटना युवा आघाडीचे राज्य प्रवक्ता रणजित बागल ( Ranjeet Bagal) यांनी प्रतिक्रिया दिली आहे. ते म्हणाले, सोबत असलेल्या घटक पक्षांच्या आमदारांना फोडण्याचे पाप करणाऱ्यांना फळं तर मिळणारच ना..तुम्ही आमचा एक फोडलात काल तुमच्या वीस जणांनी तुमचा करेक्ट कार्यक्रम केला..बरोबर ना.. जयंत पाटील साहेब..असं बागल यांनी म्हटले आहे.
–