अंतिम सामना पावसामुळे रद्द झाला तर हैदराबाद आणि कोलकाता यांच्यापैकी चॅम्पियन कोण बनणार? समीकरण जाणून घ्या
KKR VS SRH IPL Final : इंडियन प्रीमियर लीग (IPL 2024) च्या 17 व्या हंगामातील अंतिम सामन्यात रविवारी (26 मे) सनरायझर्स हैदराबाद (SRH) आणि कोलकाता नाइट रायडर्स (KKR) यांच्यात सामना होणार आहे. दोन्ही संघांमधील हा सामना चेन्नईच्या एमए चिदंबरम स्टेडियमवर होणार आहे. हैदराबादने क्वालिफायर-2 सामन्यात राजस्थान रॉयल्सचा 36 धावांनी पराभव करत अंतिम फेरीत प्रवेश केला. केकेआरने क्वालिफायर-1 मध्ये हैदराबादचा 8 गडी राखून पराभव करून विजेतेपदाच्या लढतीत प्रवेश केला.
आयपीएल 2024 मध्येही पावसाचा कहर पाहायला मिळाला. आतापर्यंत तीन सामने पावसामुळे वाहून गेले आहेत. अशा परिस्थितीत, सर्वात मोठा प्रश्न आहे की आयपीएल 2024 च्या अंतिम सामन्यादरम्यान पाऊस पडला किंवा इतर कारणांमुळे सामना झाला नाही, तर निकाल कसा लागेल?
पावसामुळे किंवा इतर कोणत्याही कारणामुळे, रविवारी म्हणजेच 26 मे रोजी निर्धारित वेळेत किमान पाच षटकांचा खेळ होऊ शकला नाही, तर सामना राखीव दिवशी (27 मे) होईल. गेल्या वर्षीही अंतिम सामना राखीव दिवशी पोहोचला होता. राखीव दिवशी, सामना जिथे थांबला तिथून सुरू होईल. पावसामुळे राखीव दिवसातही व्यत्यय आला आणि नियमित वेळेत किमान पाच षटके खेळणे शक्य नसेल, तर इंडियन प्रीमियर लीगचा विजेता सुपर ओव्हरद्वारे निश्चित केला जाऊ शकतो.
सुपर ओव्हर शक्य नसली तरीही पॉईंट टेबलच्या आधारे विजेता ठरवला जाईल. चालू हंगामात कोलकाता नाईट रायडर्सने गुणतालिकेत अव्वल स्थान पटकावले होते, तर सनरायझर्स हैदराबादने दुसरे स्थान मिळविले होते. म्हणजेच अशी परिस्थिती उद्भवल्यास कोलकाता नाईट रायडर्सला विजेता घोषित केले जाईल.
मात्र, चाहत्यांसाठी आनंदाची बातमी म्हणजे अंतिम सामन्याच्या दिवशी चेन्नईत पावसाची शक्यता केवळ चार टक्के आहे. Accuweather नुसार, शेवटच्या दिवशी म्हणजेच 26 मे रोजी कमाल तापमान 37 अंश सेल्सिअस आणि किमान तापमान 29 अंश सेल्सिअस राहण्याची शक्यता आहे. मात्र, ढगाळ आकाशाचा अंदाजही 100 टक्के आहे. वाऱ्याचा वेग 43 किमी/तास असेल.
महत्वाच्या बातम्या-
Jitendra Awad | जितेंद्र आव्हाड यांनी बीडच्या सीमेवर येऊन नाक घासून माफी मागावी, भाजपची मागणी
Ashish Shelar | उद्धव ठाकरे लंडनची नालेसफाई पहायला गेलेत का?, आशिष शेलार यांचा सवाल
KKR VS SRH | “आम्ही सर्वोत्तम संघांपैकी एक…”, फायनलपूर्वी हैदराबादचा कर्णधार कमिन्सचे केकेआरला आवाहन