“असे लोक रस्त्यावर लोकांसमोर XXX करतील” म्हणणाऱ्याला अभिनेत्रीने शिकवला चांगलाच धडा!
सिनेमांबरोबर हिंदी आणि मराठी मालिकांचीही वेगळीच क्रेझ आहे. दररोज संध्याकाळी गृहिणींचा मराठी मालिका पाहण्याचा कार्यक्रम ठरलेलाच असतो. छोट्या पडद्यावरील लोकप्रिय मालिकांच्या यादीतील एक मालिका म्हणजे मन झालं बाजिंद (Man Jhal Bajind). या मालिकेतून प्रसिद्धीझोतात आलेली अभिनेत्री श्वेता खरात (Shweta Kharat) ही सोशल मीडियावर सक्रिय असते. श्वेताने नुकताच तिचा एक बोल्ड फोटो पोस्ट केला आहे. या फोटोमुळे तिला काही नेटकऱ्यांनी ट्रोल करण्याचा प्रयत्न केला आहे. त्या कमेंटवर तिने प्रतिक्रिया दिली आहे.
श्वेतानं अलिकडेच तिच्या इन्स्टाग्रामवर साडी नेसलेला एक फोटो शेअर केला होता. निळ्या रंगाची साडी नेसलेली श्वेता या फोटोमध्ये खूपच सुंदर आहे. अनेकांनी कॉमेन्टमधून श्वेताचं कौतुक केलं आहे. मात्र काहींना श्वेताचा हा लुक अजिबातच आवडला नाही. त्यांनी कमेन्टमधून अभिनेत्रीवर टीका केली.
श्वेताच्या या पोस्टवर एकाने अश्लील कमेंट केली आहे. “काही दिवसांनी असे लोक तर रस्त्यावर सेक्स करतील लोकांसमोर”, अशी कमेंट एकाने केली आहे. त्यावर प्रतिक्रिया देताना श्वेता म्हणाली, “तुमच्यासारखे म्हणायचं का तुम्हाला? कारण तुमच्या सारख्या विचारसरणीची लोक १०० टक्के करतील No doubt! मला तुमच्या घरातील स्त्रियांबद्दल खूप वाईट वाटतंय आणि तुम्हाला लहान मुलगी सुद्धा आहे. सर जरा तिच्यासाठी तरी सुधारा. तिला मोठं झाल्यावर वडील म्हणायची लाज वाटू नये याची काळजी घ्या”, असे तिने यात म्हटले आहे.
श्वेताला ट्रोल करणाऱ्यांवर तिचा सहकलाकार असलेल्या वैभव चव्हाणने देखील टीका केली. “अगं केसात काकूंसारखं एक फूल लावलं असत तर त्यांना नक्कीच आवडला असता फोटो.. सुंदर दिसते आहेस तू…काकू जरा जळत आहेत बाकी काही नाही.” असे वैभव चव्हाणने म्हटले आहे.