फ्रेंड्समध्ये चँडलरची भूमिका साकारणारा अभिनेता मॅथ्यू पेरीचा मृत्यू, हॉटटबमध्ये आढळला मृतदेह
Matthew Perry Died: ‘फ्रेंड्स’ या (Friends) लोकप्रिय वेब सीरिजमध्ये चँडलर बिंगची भूमिका साकारणारा अभिनेता मॅथ्यू पेरी यांचं निधन झालं (Matthew Perry Passed Away) आहे. वयाच्या अवघ्या 54 व्या वर्षी मॅथ्यूने जगाचा निरोप घेतला. अभिनेता शनिवारी त्याच्या लॉस एंजेलिसच्या घरी हॉटटबमध्ये मृत सापडल्याचे समजत आहे. मात्र अद्याप त्याच्या मृत्यूचे कारण समजलेले नाही. मॅथ्यूच्या अशा अचानक जाण्याने चाहत्यांना मोठा धक्का बसला आहे.
पेरी अंमली पदार्थांच्या व्यसनाशी झुंजत होता!
मॅथ्यू पेरीने त्याच्या संपूर्ण कारकिर्दीत अंमली पदार्थांच्या व्यसनाशी झुंज दिली, ज्याचे त्याने गेल्या वर्षी प्रकाशित केलेल्या फ्रेंड्स, लव्हर्स अँड द बिग टेरिबल थिंग या संस्मरणात तपशीलवार वर्णन केले आहे. ‘मी खरोखरच पूर्ण आयुष्य जगलो आणि त्यामुळेच मी वेळोवेळी अडचणीत सापडलो,’ असे तो अनेक वर्षांपूर्वी एका मुलाखतीत म्हणाला होता. पेरीने 1979 मध्ये 240-रॉबर्टच्या एपिसोडमधून टेलिव्हिजनमध्ये पदार्पण केले होते. त्याने नॉट नेसेसरी द न्यूज (1983), चार्ल्स इन चार्ज (1985), सिल्व्हर स्पून्स (1986), जस्ट द टेन ऑफ अस (1988) आणि हायवे टू हेवन (1988) यांसारख्या मालिकांमध्ये महत्त्वाच्या भूमिका केल्या.
Actor Matthew Perry, who gained fame in the 1990s for his starring role in the hit US television comedy ‘Friends’, was found dead at age 54 on Saturday in a hot tub at a Los Angeles-area home, reports Reuters quoting LA Times
— ANI (@ANI) October 29, 2023
‘फ्रेंड्स’ने सुपरस्टार बनवला
मॅथ्यू पेरीचा सर्वात मोठा ब्रेक चँडलर बिग इन फ्रेंड्स म्हणून आला. या भूमिकेने पेरीला मोठी प्रसिद्धी मिळवून दिली. ही मालिका २२ सप्टेंबर १९९४ रोजी सुरू झाली आणि ६ मे २००४ रोजी संपली. ‘फ्रेंड्स’चे दहा सीझन आले. तर त्यानंतर त्यांनी अनेक मालिका आणि चित्रपटांमधून काम केलं आहे.
महत्वाच्या बातम्या-
ज्यांचे पोट रिकामे आहे अशा गोरगरीब जनतेला आरक्षण द्या – Ramdas Kadam
मी ब्राह्मण असल्याने मला टार्गेट केलं जातं; देवेंद्र फडणवीस यांनी व्यक्त केली खंत