मायावती 4 वेळा मुख्यमंत्री होत्या, यावेळी बसपाला 4 जागाही जिंकता आल्या नाहीत
लखनौ : उत्तर प्रदेशच्या राजकारणात प्रदीर्घ आणि प्रभावशाली भूमिका बजावणाऱ्या बहुजन समाज पक्षाची (बीएसपी) कामगिरी 2022 च्या विधानसभा निवडणुकीत आतापर्यंतची सर्वात वाईट झाली आहे. बसपाला या या निवडणुकीत अवघी 1 जागा मिळाली आहे.
बसपाचे विद्यमान आमदार आणि विधीमंडळ पक्षनेते उमाशंकर सिंह यांना जिल्ह्यातील रसरा विधानसभा मतदारसंघातून तिसऱ्यांदा आपली जागा वाचवण्यात यश आले आहे. एक काळ असा होता की उत्तर प्रदेशात बसपचा मतसंख्या 20 टक्क्यांहून अधिक असायची आणि त्यांनी सरकारही स्थापन केलं. यावेळी त्यांना जवळपास 12.68 टक्के मते मिळाली असून त्यांच्या खात्यात एकच जागा आली आहे.
उत्तर प्रदेशमध्ये बसपचा मजबूत आधार मानला जाणारा दलित समाज लोकसंख्येच्या २१ टक्क्यांहून अधिक आहे. बसपाने पूर्ण बहुमताच्या सरकारसह राज्यात 4 वेळा आपले सरकार स्थापन केले आहे. हा पक्ष 1993 मध्ये सपाच्या नेतृत्वाखालील सरकारचाही एक भाग होता. 2001 मध्ये बसपाच्या अध्यक्षा झालेल्या मायावती चार वेळा राज्याच्या मुख्यमंत्री होत्या.