अफगाणी क्रिकेटरचा दिलदारपणा! फूटपाथवरील गरिबांची दिवाळी गोड करण्यासाठी केलं मोठं काम
Rahmanullah Gurbaz Diwali Gift: अफगाणिस्तानचा संघ 2023च्या विश्वचषक स्पर्धेच्या (World Cup 2023) शर्यतीतून बाहेर पडला आहे. आता अफगाणिस्तान संघ मायदेशी परतण्याच्या तयारीत आहे. दरम्यान, अफगाणिस्तानचा यष्टीरक्षक रहमानउल्ला गुरबाजने दिवाळीच्या मुहूर्तावर अशी कामगिरी केली आहे, ज्यामुळे संपूर्ण देशातच नव्हे तर जगभरातून त्याचे कौतुक होत आहे.
अफगाणिस्तानचा क्रिकेटर गुरबाज त्याच्या कारमधून जात असताना त्याला फूटपाथवर काही निराधार लोक भेटले. गुरबाज आपल्या कारमधून बाहेर आला आणि सर्व निराधारांना दिवाळीनिमित्त भेटवस्तू देऊ लागला. व्हिडिओमध्ये दिसत आहे की, गुरबाजने 500 रुपयांच्या नोटा सोबत आणल्या आणि रस्त्याच्या कडेला झोपलेल्या लोकांजवळ 500 रुपयांच्या नोटा ठेवल्या. दिवाळीनिमित्त निराधारांसाठी यापेक्षा चांगली भेट असूच शकत नाही.
Rahmanullah Gurbaz silently gave money to the needy people on the streets of Ahmedabad so they could celebrate Diwali.
– A beautiful gesture by Gurbaz. pic.twitter.com/6HY1TqjHg4
— Mufaddal Vohra (@mufaddal_vohra) November 12, 2023
गुरबाज लोकांना पैसे वाटून देत असताना एका व्यक्तीने त्याचा व्हिडिओ बनवला आणि सोशल मीडियावर पोस्ट केला. व्हिडिओमध्ये, गुरबाज आपल्या कारमधून खाली उतरताना दिसत आहे आणि रस्त्याच्या कडेला झोपलेल्या लोकांजवळ 500-500 रुपयांच्या नोटा ठेवताना दिसत आहे. मग तो त्याच्या गाडीत बसतो आणि पळून जातो. गुरबाजच्या या कामाने लोकांच्याच नाही तर क्रिकेटप्रेमींच्याही मनात एक खास स्थान निर्माण केले आहे. क्रिकटप्रेमी हा व्हिडिओ खूप शेअर करत आहेत आणि त्याचे कौतुक करताना थकत नाहीत.
महत्वाच्या बातम्या-
World Cup च्या अंतिम सामन्यात भिडणार ‘हे’ दोन संघ, एबी डिविलियर्सने केले भाकीत
डोळ्यांची दृष्टी सुधारण्यासाठी या योगासनांचा सराव करा, आयुष्यभर लागणार नाही चष्मा!