उमरान मलिकचा आदर्श कोण? जसप्रीत बुमराहचे नाव घेतले, पण …
नवी दिल्ली – सनरायझर्स हैदराबादचा (SRH ) वेगवान गोलंदाज उमरान मलिकने (Umran Malik) आयपीएल 2022 (IPL 2022) मध्ये त्याच्याच गतीने दहशत निर्माण केली आहे . उमरान मलिकला त्याच्या वेगावर खूप प्रेम आहे. सनरायझर्स हैदराबादचे गोलंदाजी प्रशिक्षक डेल स्टेन यांच्या देखरेखीखाली हा खेळाडूही वेगाने परिपक्व होत आहे.
उमरान मलिक 2018 मध्ये वेगवान गोलंदाजीच्या प्रेमात पडला होता. त्यावेळी तो जसप्रीत बुमराहप्रमाणे टेनिस बॉलने क्रिकेट खेळत असे. टाईम्स ऑफ इंडिया या इंग्रजी वृत्तपत्राला दिलेल्या मुलाखतीत उमरान म्हणाला, "जेव्हाही पंजाबची टीम जम्मूमध्ये यायची, तेव्हा मला बोलावले जायचे. मी स्थानिक संघाला सामने जिंकण्यासाठी मदत करायचो. यानंतर माझी जम्मू-काश्मीर अंडर-19 संघाच्या चाचणीत निवड झाली.
अब्दुल समद यांच्याकडे मी नियमित सराव करायचो. समद भाईंनी मला खूप मदत केली. त्याने माझ्या गोलंदाजीचे व्हिडिओ सनरायझर्स हैदराबादला पाठवले. प्रथम सनरायझर्स हैदराबादने माझी नेट बॉलर म्हणून निवड केली. यानंतर मला प्लेइंग 11 मध्ये स्थान मिळाले हा माझ्यासाठी अभिमानाचा क्षण होता. असं तो सांगतो.
डेल स्टेनसारखा दिग्गज गोलंदाज डगआऊटमध्ये असणे खूप छान असल्याचे उमरानचे म्हणणे आहे. त्याच्यानुसार गोलंदाजी केली तर त्याला खूप आनंद होतो. गेल्या सामन्यात संघाची योजना यशस्वी ठरली. उमरानने गेल्या सामन्यात शेवटचे षटक टाकले होते आणि मेडन फेकताना चार बळी घेतले होते.
उमरान मलिक आयपीएलनंतर लवकरच टीम इंडियामध्ये सामील होण्याची अपेक्षा आहे. भारतासाठी खेळणे आणि चांगली कामगिरी करणे हेच ध्येय असल्याचे तो म्हणतो. मलिक स्वतःला आपला आदर्श मानतो. मात्र, जसप्रीत बुमराह त्याला प्रेरित करतो, असे तो म्हणतो.