अफगाणिस्तानच्या विजयाने पाकिस्तानचा खेळ बिघडला, सेमी फायनलची शर्यत बनली आणखी मनोरंजक

By Shweta Chidmalwad On Nov 3, 2023

World Cup Points Table 2023: विश्वचषक 2023च्या 34व्या सामन्यात अफगाणिस्तानने नेदरलँड्सचा (AFG vs NED) पराभव करून गुणतालिकेत उलथापालथ केली आहे. नेदरलँड्सचा 7 विकेट्सनी पराभव करून अफगाणिस्तानने विजयाची हॅट्ट्रिक तर केलीच पण 8 गुणांसह पाचव्या स्थानावरही कब्जा केला. अफगाणिस्तान उपांत्य फेरीसाठी (Semi Final) पात्र ठरण्याच्या मार्गावर आहे.

या विश्वचषकात अफगाणिस्तानने आतापर्यंत 7 सामने खेळले आहेत, ज्यामध्ये 4 सामने जिंकले आहेत आणि 3 सामने गमावले आहेत. अफगाणिस्तानचे 8 गुण आहेत. त्याचबरोबर पाकिस्तानला मागे टाकत गुणतालिकेत पाचव्या स्थानावर पोहोचले आहे. अफगाणिस्तानची उपांत्य फेरी गाठण्याची शक्यता 24.32 टक्के आहे. तर पाकिस्तानची टक्केवारी केवळ 18.82 टक्के आहे.

न्यूझीलंडचा मार्गही खडतर झाला
भारत आधीच पात्र ठरला आहे. त्याचवेळी दुसऱ्या स्थानावर असलेल्या दक्षिण आफ्रिकेला (South Africa) उपांत्य फेरी गाठण्याची ९९.९९ टक्के शक्यता आहे. त्याला अजून एक सामना जिंकायचा आहे. तिसऱ्या क्रमांकावर असलेल्या ऑस्ट्रेलियाबद्दल बोलायचे झाल्यास, कांगारू संघाला 85.40 टक्के संधी आहेत, तर चौथ्या स्थानावर असलेल्या न्यूझीलंडला उपांत्य फेरीसाठी पात्र ठरण्याची 70.50 टक्के शक्यता आहे.

अफगाणिस्तानने विजयाची हॅट्ट्रिक केली
या सामन्याबद्दल बोलायचे झाले तर अफगाणिस्तानने बॉल आणि बॅटने दमदार कामगिरी केली. नेदरलँडला १७९ धावांवर रोखण्यात मोहम्मद नबीने महत्त्वाची भूमिका बजावली. नबीने तीन विकेट घेतल्या. तर फलंदाजीत रहमत शाह आणि कर्णधाराने अर्धशतकी खेळी खेळून अफगाणिस्तानचा विजय निश्चित केला. अफगाणिस्तानचा यावेळच्या विश्वचषकातील हा चौथा विजय आहे. याआधी 2015 च्या विश्वचषकात अफगाणिस्तानला फक्त एकच सामना जिंकता आला होता.