‘एक खराब सामना आणि मला वाईट कर्णधार म्हटले जाईल’, रोहितचं नेतृत्त्वपदावर तिखट वक्तव्य

By Shweta Chidmalwad On Nov 3, 2023

Rohit Sharma: भारतीय संघाचा कर्णधार रोहित शर्माने 2023 च्या विश्वचषक स्पर्धेदरम्यान (ICC World Cup 2023) त्याच्या कर्णधारपद आणि नेतृत्वशैलीबद्दल होत असलेल्या कौतुकाला (Rohit Sharma Captaincy) चोख प्रत्युत्तर दिले आहे. रोहित शर्मा त्याच्या ओळखीच्या शैलीत म्हणाला की, एक खराब सामना आणि लोक त्याला वाईट कर्णधार म्हणू लागतील.

2023 च्या विश्वचषक स्पर्धेत रोहित शर्माची कर्णधारपदाची कामगिरी उत्कृष्ट ठरली आहे. त्याच्या नेतृत्वाखाली भारतीय संघाने आतापर्यंतचे सर्व सहा सामने जिंकले आहेत. टीम इंडिया हा या स्पर्धेतील एकमेव संघ आहे, ज्याने आतापर्यंत एकही सामना गमावलेला नाही.

काय म्हणाला रोहित शर्मा?
नेतृत्त्वाबद्दल बोलताना रोहित म्हणाला, “तुम्हाला मैदानावर गेल्यावर परिस्थिती आपोआप समजते. स्कोअरबोर्ड पहा आणि योग्य गोष्टी करण्याचा प्रयत्न करा. कधी कधी गोष्टी बरोबर होतात तर कधी नाही. आपण प्रत्येक गोष्टीसाठी तयार असणे आवश्यक आहे. आम्ही जो काही निर्णय घेतो तो संघाच्या हिताचा आहे, हे मला माहीत असेल, तर ते ठीक आहे. मला माहित आहे की हे सर्व कसे कार्य करते. पण एक खराब सामना आणि मी एक वाईट कर्णधार होईन.”

महत्वाचे बातम्या-