Bangalore News | शाळेत कपडे काढून तपासलं, मुलीला धक्का सहनच न झाल्याने उचललं टोकाचं पाऊल
Bangalore News | कर्नाटकातील बेंगळुरूमध्ये एक खळबळजनक घटना समोर आली आहे. येथे एका विद्यार्थिनीवर चोरीचा आरोप असून तिचे कपडे काढण्यात आले. या घटनेनंतर विद्यार्थिनीला धक्का बसला आणि दोन दिवसांनी तिने आत्महत्या केली. विद्यार्थिनीच्या मृत्यूनंतर एकच खळबळ उडाली होती. पोलीस या प्रकरणाचा तपास करत आहेत.
शाळेतील शिक्षकाच्या पर्समधून दोन हजार रुपये गायब झाले होते. विद्यार्थिनीनेच ही चोरी (Bangalore News) केल्याचा संशय शिक्षकाला होता. म्हणून शिक्षकाने तिच्यावर जबरदस्तीने कपडे उतरवल्याचा आरोप आहे. या घटनेनंतर विद्यार्थिनी खूप शांत शांत दिसू लागली होती, असे कुटुंबीयांचे म्हणणे आहे.
कुटुंबीयांचा आरोप – विद्यार्थिनीला तिचे कपडे काढायला लावले
कुटुंबाचा आरोप आहे की, मुलीचे केवळ कपडेच काढले नाहीत तर तिला निर्दोष सिद्ध करण्यासाठी मंदिरात नेण्यात आले. ही घटना ज्या शाळेत घडली त्या शाळेत मुलीची मोठी बहीणही शिकते. मुलीच्या मोठ्या बहिणीकडून त्यांना सर्व काही कळले, असे कुटुंबीयांचे म्हणणे आहे. शाळा प्रशासनावर कडक कारवाई करावी, अशी मागणी कुटुंबीयांनी पोलिसांकडे केली आहे. याला शाळेचे मुख्याध्यापक व इतर शिक्षकही जबाबदार आहेत.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
पोलिसांनी घटनेचा तपास सुरू केला
बागलकोटचे एसपी अमरनाथ रेड्डी यांनी सांगितले की, पोलीस या प्रकरणाचा तपास करत आहेत. मृत तरुणी अतिशय संवेदनशील होती. दोन दिवसांपासून ती कोणाशीही बोलत नसल्याचे कुटुंबीयांनी सांगितले. मुलीचा मृत्यू कोणत्या परिस्थितीत झाला याचा तपास पोलीस करत आहेत. मृतदेहाचे शवविच्छेदन करण्यात येणार असल्याचे पोलीस अधिकाऱ्याने सांगितले. दरम्यान, या घटनेवर शाळा प्रशासनाने मौन बाळगले आहे. या घटनेवर काहीही बोलण्यास त्यांनी नकार दिला आहे. तरुणीच्या मित्रांचीही चौकशी करण्यात येणार असल्याचे पोलिसांनी सांगितले. जो कोणी दोषी असेल त्याच्यावर कडक कारवाई केली जाईल.
महत्वाच्या बातम्या :
वन इलेक्शन, वन नेशन आणि नो इलेक्शन करण्याचा भाजपा डाव, लोकशाही व्यवस्था धोक्यातः Jairam Ramesh
‘शिवसेना फोडून मविआ सरकार पाडण्यासाठी भाजपाने वापरला ईलेक्टोरोल बाँडचा पैसा’