भाजपने सुप्रसिद्ध कवी कुमार विश्वास यांना दिली ‘ही’ मोठी ऑफर

UP MLC Elections 2023 : उत्तर प्रदेश (Uttar Pradesh) विधान परिषदेच्या नामनिर्देशित सदस्यांच्या नावांवर मंथन अजूनही सुरू आहे. सुप्रसिद्ध कवी कुमार विश्वास (Kumar Vishwas) यांना भाजपने (BJP) एमएलसी जागेची ऑफर दिल्याचा दावा सूत्रांनी केला असला तरी त्यांनी ही ऑफर नाकारली आहे. मात्र, आणखी तीन नावांवर भाजपमध्ये मंथन सुरू आहे.

सूत्रांनी दिलेल्या माहितीनुसार, यूपी भाजपमध्ये एमएसएलच्या नामनिर्देशित सदस्यांच्या नावावरून मंथन तीव्र झाले आहे. तथापि, सूत्रांनी दावा केला आहे की पक्षाने यापूर्वी प्रसिद्ध कवी कुमार विश्वास यांना एमएलसीसाठी ऑफर पाठवली होती. मात्र त्यांनी ही ऑफर नाकारली. सूत्रांवर विश्वास ठेवला तर कुमार विश्वास यांनी राष्ट्रीय राजकारणात जाणार असल्याचे सांगून तो प्रस्ताव स्वीकारला नाही. त्यानंतर आता पक्षात अन्य नावांची चर्चा सुरू झाली आहे.

राजकीय तज्ज्ञांच्या मते, यूपी (UP) भाजपच्या नव्या संघटनेच्या विस्ताराबाबत मंथन सुरू आहे. त्यानंतरच पक्ष एमएलसीच्या (MLC) नामनिर्देशित सदस्यांची नावे जाहीर करेल. होळीपूर्वी पक्षाच्या संघटना विस्ताराची घोषणा होणार होती, मात्र काही कारणांमुळे अद्याप संघटना विस्तार झालेला नाही.