ख्रिसमसच्या मुहूर्तावर अभिनेत्री स्वरा भास्करने शेअर केला लेकीचा गोंडस फोटो
Raabiya First Chritsmas: बॉलिवूड अभिनेत्री स्वरा भास्कर (Swara Bhaskar) सध्या तिच्या मातृत्वाचा आनंद घेत आहे. अभिनेत्रीने यावर्षी एका सुंदर मुलीला जन्म दिला. स्वरा अनेकदा तिच्या मुलीसोबत घालवलेले क्षण चाहत्यांसोबत शेअर करते. काल, स्वराची लाडकी राबियाने तिचा पहिला ख्रिसमस साजरा केला. अभिनेत्रीने त्याची झलक सोशल मीडियावर चाहत्यांसोबत शेअर केली आहे.
स्वरा आणि फहादने मुलगी राबियासोबत पहिला ख्रिसमस साजरा केला
स्वराने तिच्या इंस्टाग्रामवर एक अतिशय क्यूट फोटो पोस्ट केला आहे. या फोटोत तिची छोटी परी राबिया आणि तिचा नवरा फहाद अहमद तिच्यासोबत दिसत आहेत. फहादने राबियाला हवेत धरले आहे. तर स्वरा तिच्या मुलीकडे बघताना दिसत आहे. यादरम्यान राबिया पांढर्‍या जंप सूटसह लाल मोजे परिधान केलेली दिसत आहे. याशिवाय तिने डोक्यावर गोंडस सांता कॅप घातली आहे. पण या फोटोत राबियाचा चेहरा दिसत नाहीये.
फोटोसोबत हृदयस्पर्शी कॅप्शन लिहिले आहे
या फोटोसोबत स्वराने एक लांबलचक कॅप्शनही लिहिले आहे. तिने पोस्टसह लिहिले – “देवाचे आभार की तुम्ही मला आठवण करून दिली की या निराशाजनक परिस्थितीत लढण्यासाठी काही गोष्टी शिल्लक आहेत. सर्वांना सुट्टीच्या शुभेच्छा. 2023 आमच्या घरात ख्रिसमस, दिवाळी, ईद सर्वकाही घेऊन आले. हा ख्रिसमस फार चांगला नाही. कारण गाझामध्ये नरसंहार सुरू आहे. आमच्याकडून सर्वांना प्रेम.”
वर्कफ्रंटबद्दल बोलायचे झाले तर स्वरा बऱ्याच दिवसांपासून चित्रपटांपासून दूर आहे. तिच्या मुलीच्या जन्मापासून ती तिच्या कुटुंबासोबत वेळ घालवत आहे. स्वराने याच वर्षी राजकारणी फहाद अहमदशी लग्न केले. त्याचवेळी स्वराने लग्नाच्या 8 महिन्यांनंतरच एका मुलीला जन्म दिला. त्यांनी आपल्या मुलीचे नाव राबिया रामा अहमद ठेवले आहे.
महत्वाच्या बातम्या-
ठाकरेंनी कोरड्या विहिरीत उडी मारायला लावली तरी मारेन; लोकसभेबाबत अंबादास दानवे स्पष्टच बोलले
शेअर मार्केटमध्ये महिन्याभरात कमावले ६५० कोटी, ‘या’ महिलेची अविश्वसनीय कामगिरी
40 लाखांची साडी आणि 100 कोटींची कार, असे आहे Neeta Ambani यांचे विलासी जीवन