शंभरपेक्षा जास्त आजार नष्ट करते ‘ही’ एक औषधी वनस्पती, मूळव्याधावरही आहे गुणकारी
हरड (Myrobalan) हे अतिशय फायदेशीर आणि गुणकारी औषध आहे. हे शरीरातील 100 हून अधिक रोग नष्ट करते. जाणून घेऊया त्याचे काही खास फायदे (Harad Benefits/Haritaki Benefits) आणि टिप्स…
जॉइन करा आझाद मराठीचा’चा व्हॉट्सअ‍ॅप ग्रुप 👉🏻 https://chat.whatsapp.com/D3xA3iJHF0r1kodPsu0Q4H
ऍलर्जी दूर करण्यासाठी उपयुक्त
त्वचेच्या ऍलर्जीमध्ये (Skin Allergy) हरडचा काढा फायदेशीर आहे. हरडचे फळ पाण्यात उकळून त्याचा काढा तयार करून दिवसातून दोनदा सेवन केल्यास ऍलर्जीपासून लवकर आराम मिळतो. या काढ्याने ऍलर्जीग्रस्त भाग देखील धुतले जाऊ शकतात. त्याचप्रमाणे, बुरशीजन्य ऍलर्जी किंवा संसर्ग झाल्यास, हरड हे फळ आणि हळदीची पेस्ट प्रभावित भागावर दिवसातून दोनदा लावा, त्वचा पूर्णपणे सामान्य होईपर्यंत ही पेस्ट वापरणे सुरू ठेवा.
तोंडासंबंधी समस्या करते दूर
तोंडात सूज आल्यावर हरड सूज आलेल्या जागी कुस्करल्याने फायदा होतो. हिरड्यांवरील सूज दूर करण्यासाठी हरडची पेस्ट पातळ ताकात मिसळून कुस्करल्याने आराम मिळतो. त्याचप्रमाणे दुखणाऱ्या दातावर हरडचे चूर्ण लावल्यानेही वेदना कमी होतात.
केस काळे आणि चमकदार करते
हरड हे हेल्दी टॉनिक आहे, ज्याचा वापर करून केस काळे, चमकदार आणि आकर्षक दिसतात. हरडचे फळ खोबरेल तेलात उकळून त्याची पेस्ट बनवा (हरड पूर्णपणे विरघळेपर्यंत) आणि केसांना लावा किंवा दररोज 3-5 ग्रॅम हरड पावडर एका ग्लास पाण्यात मिसळून प्या. याने केस घनदाट आणि काळे बनतात.
पोटोसंबंधी समस्या करते दूर
बद्धकोष्ठतेपासून मुक्त होण्यासाठीही हरडचा लगदा फायदेशीर आहे. हा लगदा चिमूटभर मीठ टाकून खावा किंवा 1/2 ग्रॅम लवंग किंवा दालचिनी सोबत घ्या. अपचन किंवा पोटाच्या इतर विकारात हरडचा लगदा मध, लवंग आणि दालचिनीसोबत घेतल्याने आराम मिळतो.
मूळव्याधासाठी औषध म्हणून काम करते
भाजलेल्या हरडचे चूर्ण सेवन केल्याने मूळव्याधात (Piles) आराम मिळतो. ताजी हरडची फळे एरंडेल तेलात सोनेरी तपकिरी होईपर्यंत तळा. ते थंड झाल्यावर बारीक करून पावडर बनवा आणि थंड ठिकाणी ठेवा, पण फ्रीजमध्ये ठेवू नका. रात्री झोपताना अर्धा चमचा हे चूर्ण घेतल्याने सकाळी पोट साफ राहते.
स्मरणशक्ती वाढवते
हरड फळ स्मरणशक्ती वाढवते, मधुमेह आणि कोलेस्ट्रॉल नियंत्रित करते. हृदयाच्या विकारांवरही ते फायदेशीर आहे. हरड रस शरीरात ताजेपणा आणतो. मज्जासंस्था शांत ठेवते. त्याचा रस पचनसंस्थेला शुद्ध करतो.
(टीप- वरील लेख सामान्य माहितीसाठी आहे. त्याचा अवलंब करण्यापूर्वी तज्ञांना सल्ला घ्यावा. आझाद मराठी त्याची पुष्टी करत नाही)