Will Jacks | 10 चेंडू… 50 धावा, विल जॅकचे वादळी शतक; ख्रिस गेलचा विक्रम उद्ध्वस्त

By Shweta Chidmalwad On Apr 29, 2024

Will Jacks : रविवारी झालेल्या आयपीएल सामन्यात रॉयल चॅलेंजर्स बंगलोर (RCB) ने गुजरात टायटन्सचा (GT) 4 षटके शिल्लक असताना 9 गडी राखून पराभव केला. अहमदाबादच्या नरेंद्र मोदी स्टेडियममध्ये बसलेल्या प्रेक्षकांनी तुफानी फलंदाजीचे असे दृश्य पाहिले ज्याची कोणी कल्पनाही केली नसेल. इंग्लंडचा स्फोटक फलंदाज विल जॅकने (Will Jacks) आरसीबीसाठी तिसऱ्या क्रमांकावर फलंदाजी करताना विनाशकारी खेळी खेळली. विल जॅकने गुजरात टायटन्सच्या (जीटी) गोलंदाजांचा समाचार घेतला आणि अवघ्या 41 चेंडूत 100 धावा केल्या. विल जॅकच्या खेळीत 10 षटकार आणि 5 चौकारांचा समावेश होता. विल जॅकने 243.90 च्या स्ट्राइक रेटने गुजरात टायटन्सच्या गोलंदाजांना मात दिली आहे.

Will jacks today :

First 50 runs – 31 balls
Next 50 runs – 10 balls pic.twitter.com/5cJAefpdwI

— leisha (@katyxkohli17) April 28, 2024

विल जॅकने आपल्या झंझावाती खेळीदरम्यान 31 चेंडूत अर्धशतक पूर्ण केले होते, परंतु यानंतर असे काही घडले ज्याचा कोणालाही अंदाज नव्हता. विल जॅकने 50 धावांवरून 100 धावांपर्यंतचा प्रवास केवळ 10 चेंडूत पूर्ण केला. अर्धशतक झळकावल्यानंतर विल जॅकने आपल्या पुढच्या 50 धावा फक्त 10 चेंडूत केल्या. आयपीएलच्या इतिहासात याआधी ख्रिस गेलने 13 चेंडूत 50 धावांवरून 100 धावा करण्याचा पराक्रम केला होता. विल जॅकने या प्रकरणात ख्रिस गेलचा विक्रम मोडला आहे. रविवारी संध्याकाळी 6:41 वाजता विल जॅकने आपले अर्धशतक पूर्ण केले. विशेष म्हणजे त्याने 6:47 वाजून 47 मिनिटांनी शतकही केले. म्हणजेच विल जॅकने 50 धावांवरून 100 धावांपर्यंतचा प्रवास 6 मिनिटांत केला.

या यादीत विराट कोहलीचाही समावेश आहे
या यादीत रॉयल चॅलेंजर्स बंगळुरूचा (RCB) फलंदाज विराट कोहलीचाही समावेश आहे. आयपीएलच्या इतिहासात विराट कोहलीने 14 चेंडूत 50 धावांवरून 100 धावांपर्यंतचा प्रवास करण्याचा चमत्कार घडवला होता. जर आपण विल जॅकबद्दल बोलायचे झाले तर त्याने 17 चेंडूत 17 धावा करून डावाला सुरुवात केली. यानंतर विल जॅकने अवघ्या 24 चेंडूत पुढील 83 धावा केल्या. विल जॅकने विराट कोहली (नाबाद 70) सोबत दुसऱ्या विकेटसाठी अवघ्या 74 चेंडूत 166 धावांची नाबाद भागीदारी केली.