अबब! वयाच्या ८२व्या वर्षी चौथ्यांदा बाप बनणार ‘हा’ अभिनेता, २९ वर्षीय गर्लफ्रेंड आहे प्रेग्नेंट
Al Pacino Father At 82 Age: हॉलिवूडचे प्रसिद्ध अभिनेते आणि चित्रपट निर्माते अल पचिनो (Al Pacino) वयाच्या 82 व्या वर्षी पुन्हा एकदा वडील होणार आहेत. पचिनो हे चौथ्यांदा वडील होत आहेत. आजकाल अभिनेता त्याच्यापेक्षा 53 वर्षांनी लहान असलेली त्याची गर्लफ्रेंड नूर अलफल्लाहसोबत (Al Pacino Girlfriend) रिलेशनशिपमध्ये आहे. नूर आठ महिन्यांची गर्भवती आहे आणि लवकरच ती बाळाला जन्म देऊ शकते.
अल पचिनो या वयात वडील झाल्याबद्दल खूप आनंदी आणि उत्साहित आहेत. अभिनेत्याने सांगितले की, त्याच्या गर्लफ्रेंडची प्रसूती अवघ्या एक महिन्यानंतर होणार आहे. पचिनो आणि नूरच्या नात्याची बातमी तेव्हा प्रसिद्ध झाली, जेव्हा दोघे 2022 मध्ये डिनर डेटवर एकत्र दिसले होते. कोविडच्या काळापासून दोघेही एकमेकांसोबत नात्यात आहेत.
नूर स्वतः खूप श्रीमंत कुटुंबातून आलेली आहे आणि ती खूप श्रीमंत व वृद्ध लोकांशी डेटिंग करत आहे. पचिनोच्या आधी वयाच्या 22 व्या वर्षी नूरने 74 वर्षीय प्रसिद्ध गायक मिक जेगरला डेट केले होते. त्याचबरोबर नूर अलफल्लाहने 60 वर्षीय अब्जाधीश निकोलस बर्ग्रेनलाही डेट केले आहे.
पचिनो आधीच 3 मुलांचा बाप झाला आहे. त्याला एक 33 वर्षांची मुलगी, ज्युली मेरी असून ती पचिनोच्या एक्स गर्लफ्रेंड जॅन टेरंटची मुलगी आहे, जी एक अभिनय प्रशिक्षक आहे. याशिवाय त्याला एक्स गर्लफ्रेंड बेवर्ली डी’एंजेलोपासून अँटोन आणि ऑलिव्हिया ही दोन जुळी मुले आहेत. दोघांचे नाते 1997 ते 2003 पर्यंत टिकले.
क्लासिक द गॉडफादर सिरीज व्यतिरिक्त, अल पचिनो स्कारफेस, हीट, सर्पिको, सेन्ट ऑफ अ वुमन, सी ऑफ लव्ह, द डेव्हिल्स अॅडव्होकेट, अँड जस्टिस फॉर ऑल, कार्लिटोज वे आणि ओशनज थर्टीन सारख्या ब्लॉकबस्टर चित्रपटांसाठी ओळखला जातो. त्याच्या नवीनतम चित्रपटांच्या यादीमध्ये वन्स अपॉन अ टाइम इन हॉलीवूड, द आयरिशमन, हाऊस ऑफ गुच्ची, द पायरेट्स ऑफ सोमालिया यांचाही समावेश आहे.