Ishant Sharma | इशांत शर्माच्या यॉर्करमुळे रसेलचा तोल गेला अन् धापकन खाली आपटला, घातक चेंडूचा व्हिडिओ पाहाच
आयपीएल 2024 चा 16 वा सामना बुधवारी संध्याकाळी दिल्ली कॅपिटल्स आणि कोलकाता नाइट रायडर्स यांच्यात खेळला गेला. यामध्ये इशांत शर्मा (Ishant Sharma) दिल्लीसाठी घातक गोलंदाजी करताना दिसला. त्याने आपल्या धोकादायक यॉर्करने आंद्रे रसेलला अक्षरश: रडवले. तो मैदानात तोंडघशी पडला. त्याचा व्हिडिओ सोशल मीडियावर व्हायरल होत आहे.
दिल्ली कॅपिटल्सविरुद्ध प्रथम फलंदाजी करताना कोलकाताने दमदार कामगिरी केली. त्यांनी 20 षटकात सात गडी गमावून 272 धावा केल्या, जी आयपीएलच्या इतिहासातील दुसरी सर्वोच्च धावसंख्या आहे. याआधी मुंबई इंडियन्स आणि सनरायझर्स हैदराबाद यांच्यात झालेल्या सामन्यात पॅट कमिन्सच्या संघाने 277 धावांची मोठी मजल मारली होती.
YORKED! 🎯
Ishant Sharma with a beaut of a delivery to dismiss the dangerous Russell!
Head to @JioCinema and @StarSportsIndia to watch the match LIVE#TATAIPL | #DCvKKR | @ImIshant pic.twitter.com/6TjrXjgA6R
— IndianPremierLeague (@IPL) April 3, 2024
इशांतच्या यॉर्करवर रसेलचा तोल गेला.
कोलकात्याच्या डावातील 20 वे षटक इशांत शर्माने टाकले. यादरम्यान त्याने प्राणघातक गोलंदाजी केली. षटकातील पहिला चेंडू यॉर्कर होता, त्यावर रसेलचा तोल गेला आणि तो मैदानावर धापकन पडला. हा चेंडू त्याला अजिबात समजला नाही आणि तो बाद झाला. यानंतर वेस्ट इंडिजचा स्टार फलंदाज उठला आणि त्याने टाळ्या वाजवून चेंडूचे कौतुक केले. त्याने 19 चेंडूंत चार चौकार आणि तीन षटकारांच्या मदतीने 41 धावा केल्या. या षटकाच्या तिसऱ्या चेंडूवर इशांतने (Ishant Sharma) रमणदीपला पायचीत केले. त्याला दोन धावा करता आल्या.
कोलकाताने सलग तिसरा विजय नोंदवला
आयपीएल 2024 च्या 16 व्या सामन्यात कोलकाता नाईट रायडर्सने दिल्ली कॅपिटल्सचा 106 धावांनी पराभव केला आहे. नाणेफेक जिंकून प्रथम फलंदाजी करताना कोलकाताने 20 षटकांत 7 गडी गमावून 272 धावा केल्या. प्रत्युत्तरात दिल्लीचा संघ 17.2 षटकांत 166 धावांवर गारद झाला. दिल्लीचा चार सामन्यांतील हा तिसरा पराभव आहे. यासोबतच कोलकाताने विजयाची हॅट्ट्रिक केली आहे. संघाने आतापर्यंतचे तिन्ही सामने जिंकले आहेत.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
महत्वाच्या बातम्या :
Narayan Rane | पुण्याची खासदारांची विशेष परंपरा मुरलीधर मोहोळ जोपासणार
Uddhav Thackeray | मुंबईतल्या २ जागा मित्रपक्षाला दिल्यात, ते लढणार नसतील तर आम्ही लढू