Rishabh Pant | ऋषभ पंतकडे शेवटची संधी, पुन्हा हीच चूक केल्यास लागणार बंदी! दिल्ली कॅपिटल्सच्या कर्णधाराला 24 लाखांचा दंड
आयपीएल 2024 (IPL 2024) मध्ये सलग दुसऱ्यांदा स्लो ओव्हर रेट ठेवल्याबद्दल दिल्ली कॅपिटल्सचा कर्णधार ऋषभ पंतला (Rishabh Pant) 24 लाखांचा दंड ठोठावण्यात आला आहे. विशाखापट्टणम येथे बुधवारी कोलकाता नाईट रायडर्सविरुद्धच्या सामन्यादरम्यान दिल्ली कॅपिटल्स (Delhi Capitals) निर्धारित वेळेपेक्षा कमी षटके टाकल्याबद्दल दोषी आढळला.
पंतशिवाय दिल्ली कॅपिटल्सच्या प्लेइंग 11 चा भाग असलेल्या खेळाडूंना मॅच फीच्या 25 टक्के दंड ठोठावण्यात आला आहे. या सामन्यात दिल्ली कॅपिटल्सला 106 धावांनी दारुण पराभव पत्करावा लागला होता. आयपीएल 2024 च्या 16 व्या सामन्यात केकेआरने प्रथम फलंदाजी करत 20 षटकात 7 विकेट गमावून 272 धावा केल्या होत्या.
त्यामुळे पंतला 24 लाखांचा दंड ठोठावण्यात आला
सध्याच्या आयपीएलमधील ही दुसरी सर्वोच्च सांघिक धावसंख्या होती. प्रत्युत्तरात दिल्ली कॅपिटल्सचा संघ 17.2 षटकांत 166 धावांत सर्वबाद झाला आणि 106 धावांनी सामना गमावला. बीसीसीआयने निवेदन जारी करून सांगितले की, स्लो ओव्हर रेटमुळे पंतला दंड ठोठावण्यात आला आहे. सीएसकेविरुद्ध दिल्ली कॅपिटल्सचाही संथ ओव्हर-रेट होता आणि केकेआरविरुद्ध याच प्रकरणी दिल्लीचा संघ दुसऱ्यांदा दोषी आढळला.
त्यामुळेच पंतला (Rishabh Pant) 24 लाखांचा दंड ठोठावण्यात आला आहे. इम्पॅक्ट प्लेअरसह इतर खेळाडूंना मॅच फीच्या 25 टक्के दंड ठोठावण्यात आला आहे. बीसीसीआयने आपल्या निवेदनात म्हटले आहे की, “केकेआरविरुद्ध स्लो ओव्हर रेट राखल्याबद्दल दिल्ली कॅपिटल्सचा कर्णधार ऋषभ पंत आणि त्याच्या संघाला दंड ठोठावण्यात आला आहे.”
पंतवर बंदी येऊ शकते
ऋषभ पंतवर एका सामन्याच्या बंदीचा धोका आहे. जर दिल्ली कॅपिटल्स संघाने सामन्यात संथ ओव्हर-रेट कायम ठेवला तर ही त्यांची तिसरी चूक असेल आणि अशा परिस्थितीत कर्णधारावर एका सामन्याची बंदी घातली जाईल. उल्लेखनीय आहे की आयपीएल 2024 च्या गुणतालिकेत दिल्ली कॅपिटल्स संघ 4 सामन्यांत तीन पराभवांसह 9व्या स्थानावर आहे.
दिल्ली कॅपिटल्सचा संघ वानखेडे स्टेडियमवर 7 एप्रिलला मुंबई इंडियन्सविरुद्ध आपला पुढचा सामना खेळणार आहे. मुंबई संघ गुणतालिकेत शेवटच्या स्थानावर असून, पहिले तीन सामने गमावले आहेत.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
महत्वाच्या बातम्या :
Narayan Rane | पुण्याची खासदारांची विशेष परंपरा मुरलीधर मोहोळ जोपासणार
Uddhav Thackeray | मुंबईतल्या २ जागा मित्रपक्षाला दिल्यात, ते लढणार नसतील तर आम्ही लढू