नवीन वर्षात जान्हवी कपूर पोहोचली तिरुमाला मंदिरात, बॉयफ्रेंड शिखर पहाडिया देखील दिसला सोबत

By Shweta Chidmalwad On Jan 5, 2024

Janhavi Kapoor At Temple: जान्हवी कपूर (Janhavi Kapoor) शुक्रवारी तिचा प्रियकर शिखर पहाडियासोबत (Janhavi Kapoor Boyfriend) तिरुमला येथील श्री व्यंकटेश्वर स्वामी मंदिरात पोहोचली. तेथे त्यांनी पूजा-अर्चना केली. यावेळी जान्हवी सोनेरी रंगाच्या साडीत दिसली. तिचा प्रियकर शिखरही पारंपारिक ड्रेस धोतीमध्ये होता.

त्यांच्यासोबत टॉलिवूड अभिनेत्री माहेश्वरीही होती. जान्हवीने इंस्टाग्रामवर एक फोटोही शेअर केला आहे. जान्हवी म्हणाली की, तिला आता नवीन वर्ष सुरू झाल्याचं वाटतंय.

जान्हवीने मंदिरात पूजा करून नवीन वर्ष साजरे केले
साहजिकच नवीन वर्षाच्या सुरुवातीलाच इंडस्ट्रीतील अनेक सेलेब्स देशाबाहेर गेले. काहींनी घरात नववर्ष साजरे केले. जान्हवीने मंदिरात जाऊन नवीन वर्षाच्या शुभेच्छा दिल्या आहेत. जान्हवीची आई श्रीदेवी या तामिळनाडू आणि आंध्र प्रदेश या दोन्ही प्रदेशातील आहेत. या कारणास्तव जान्हवी दक्षिण भारतातील चालीरीती आणि मंदिरांशी देखील जोडली जाते. जान्हवी अनेकवेळा दक्षिणेतील प्रसिद्ध मंदिरांमध्ये पूजा करताना दिसली आहे.

जान्हवीचा बॉयफ्रेंड शिखरबद्दल जाणून घ्या..
जान्हवीचा प्रियकर शिखर पहाडिया हा महाराष्ट्राचे माजी मुख्यमंत्री सुशील कुमार शिंदे यांचा नातू आहे. जान्हवी आणि शिखर खूप दिवसांपासून डेट करत आहेत, ज्याची माहिती स्वतः जान्हवीने कॉफी विथ करणच्या एका एपिसोडमध्ये दिली होती. नंतर दोघांचे ब्रेकअप झाले. मात्र, गेल्या वर्षभरात दोघेही पुन्हा एकत्र आले आहेत.