“संजय राऊत महाविकास आघाडीची गौतमी पाटील”, नितेश राणे यांची जोरदार टीका
शिवसेना (उद्धव बाळासाहेब ठाकरे) खासदार संजय राऊत (Sanjay Raut) आणि भाजपा आमदार नितेश राणे (Nitesh Rane) हे नेहमी एकमेकांवर हल्लाबोल करत असतात. आता पुन्हा एकदा हे दोन नेते आमने सामने आले आहेत. नितेश राणे यांनी संजय राऊत यांच्यावर टीका करताना त्यांची नृत्यांगणा गौतमी पाटील (Gautami Patil) हिच्याशी तुलना केली आहे.
नितेश राणेंनी संजय राऊत महाविकासआघाडीचे गौतमी राऊत असल्याचं म्हणत टीका केली. तसेच राऊतांना ते नेमके कुणाच्या बाजूने आहेत हेही माहिती नाही. त्यामुळे त सरड्यालाही लाज वाटेल इतके रंग बदलतात, असा हल्लाबोल केला. ते शनिवारी (२७ मे) मुंबईत पत्रकार परिषदेत बोलत होते.
नितेश राणे म्हणाले, “संजय राऊत नेमके कुणाच्या बाजूने आहेत हे त्यांनाही माहिती नाही. त्यामुळे सरड्यालाही लाज वाटेल एवढ्यावेळा ते रंग बदलत आहेत. महाविकासआघाडीची गौतमी पाटील म्हणजे संजय राजाराम राऊत आहेत.”