नुपूर शर्माला फाशी द्या; खासदार इम्तियाज जलील यांची अजब मागणी
औरंगाबाद – भाजपच्या निलंबित प्रवक्त्या नुपूर शर्मा यांनी पैगंबर मोहम्मद यांच्याबद्दल केलेल्या कथित वादग्रस्त विधानावरून शुक्रवारी संपूर्ण देशात खळबळ उडाली. नुपूर आणि त्याचा सहकारी नवीन जिंदाल यांच्यावर कारवाई करण्याची मागणी करत शुक्रवारी महाराष्ट्रातील औरंगाबादमध्ये मुस्लिम रस्त्यावर उतरले.
आंदोलनादरम्यान लोकांना संबोधित करताना एआयएमआयएमचे खासदार इम्तियाज जलील म्हणाले की, नुपूर शर्माला फाशी द्या, अन्यथा तिची सहज सुटका झाली तर अशा गोष्टी थांबणार नाहीत. औरंगाबाद येथील विभागीय आयुक्त कार्यालयाजवळील दिल्ली गेट परिसरात आंदोलकांना संबोधित करताना जलील म्हणाले, इस्लाम हा शांतीचा धर्म आहे. धार्मिक भावना दुखावणाऱ्यांना शिक्षा करण्यासाठी कायदा करण्याची गरज आहे.
याबाबत विभागीय आयुक्त कार्यालयामार्फत मागणी करणार आहोत. या कायद्याबाबत आम्ही संसदेत पंतप्रधान नरेंद्र मोदी यांच्यासमोर आवाज उठवू अन्यथा रस्त्यावर उतरू. आम्ही सर्व शक्तीनिशी हा प्रश्न लढवू. असं ते म्हणाले. जलील म्हणाले की , नुपूर शर्मा आणि नवीन कुमार जिंदाल यांच्या वक्तव्यामुळे जगभरातील मुस्लिम संतप्त आहेत. इतर देशांनी आक्षेप घेतल्यानंतर सरकारने 10 दिवस गप्प बसून कारवाई केल्याने हा संताप असल्याचेही ते म्हणाले.
#WATCH Islam is a religion of peace, people are angry…Nupur Sharma should be hanged. If she's allowed to let-go easily, then such things won't stop. Law should be brought to take action against those who make such remarks against any religion, sect…: AIMIM MP Imtiaz Jaleel pic.twitter.com/jUKkmvDb4V
— ANI (@ANI) June 10, 2022