Pakistani Boxer | पाकिस्तानचं जागतिक पातळीवर हसू! पाकिस्तानी बॉक्सर महिला खेळाडूच्या पर्समधील पैसे घेऊन पसार
Pakistani Boxer Zohaib Rasheed Steals Money : दिवाळखोरीच्या उंबरठ्यावर असलेला पाकिस्तान आपल्या काही कामांमुळे परदेशात नेहमीच लाजिरवाणा झाला आहे. पाकिस्तानी लोकही जगभरात आपल्या देशाची प्रतिमा डागाळण्यात कोणतीही कसर सोडत नाहीत. दरम्यान, एका पाकिस्तानी बॉक्सरने (Pakistani Boxer) इटलीमध्ये लज्जास्पद कृत्य केले आहे. वास्तविक, हा बॉक्सर जोहेब रशीद आहे, जो ऑलिम्पिक पात्रता स्पर्धा खेळण्यासाठी 5 सदस्यीय पाकिस्तानी संघासह इटलीला पोहोचला होता.
महिला खेळाडूच्या पर्समधून पैसे चोरून बॉक्सर फरार
मात्र यादरम्यान झोहेबने त्याची महिला सहकारी लॉरा इकरामच्या पर्समधून पैसे चोरले आणि तेथून पळ काढला. पाकिस्तान हौशी बॉक्सिंग फेडरेशनने ५ मार्च रोजी ही माहिती दिली. पीटीआयने पाकिस्तान बॉक्सिंग फेडरेशनच्या अधिकाऱ्याच्या हवाल्याने सांगितले की, त्यांनी इटलीतील पाकिस्तानी दूतावासाला या घटनेची माहिती दिली. याबाबत पोलिसांत तक्रारही दाखल करण्यात आली आहे.
बॉक्सर जोहेबने अशा प्रकारे पर्समधून पैसे चोरले
पाकिस्तान बॉक्सिंग फेडरेशनचे सचिव कर्नल नसीर अहमद म्हणाले, ‘जोहेब रशीद ऑलिम्पिक पात्रता स्पर्धा खेळण्यासाठी पाच सदस्यीय पाकिस्तानी संघासह इटलीला पोहोचला होता. मात्र तो ज्या प्रकारे वागला आहे ते महासंघ आणि देशासाठी लज्जास्पद आहे. त्याचा शोध सुरू असल्याची माहिती पोलिसांना देण्यात आली आहे, मात्र तो कोणाच्याही संपर्कात नाही.
नसीर अहमद यांनी या प्रकरणाबाबत बोलताना सविस्तर खुलासा केला आहे. महिला बॉक्सर लॉरा इकराम प्रशिक्षणासाठी गेली असताना ही घटना घडल्याचे त्याने म्हटले आहे. दरम्यान, रिसेप्शनमधून जोहेब रशीदने तिच्या खोलीच्या चाव्या काढून तिच्या पर्समध्ये ठेवलेले विदेशी चलन चोरून नेले.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
आशियाई बॉक्सिंग चॅम्पियनशिपमध्ये कांस्यपदक
सचिव कर्नल नसीर यांनी सांगितले की, या घटनेनंतर जोहेब हॉटेलमधून गायब झाला. सध्या त्याचाही शोध सुरू आहे. जोहेब रशीदला पाकिस्तानी बॉक्सिंगचा उगवता स्टार मानला जात होता. गेल्या वर्षी आशियाई बॉक्सिंग स्पर्धेत त्याने कांस्यपदक जिंकले होते.
महत्वाच्या बातम्या :
मुरलीधर मोहोळांनी अनुभवला ‘मित्र वणव्यामध्ये गारव्यासारखा’
‘वडिलांना धमकी दिली तर…’, हर्षवर्धन पाटलांना मिळालेल्या धमकीवरुन कन्येचा अजित पवारांना इशारा
शिवरायांच्या धोरणाने चालत सर्वत्र जातीपाती एकत्र करुया, इतिहासकार Namdev Jadhav यांचे आवाहन