अमेरिकेतल्या बदामांपेक्षाही महागडी भाजी, १२०० रुपये किलोंवर पोहोचली किंमत; पण कसे काय?

सांगरी नावाच्या भाजीची (Sangri Vegetable) लागवड राजस्थानमधील शेखावती आणि चुरू येथे केली जाते. येथील लोक या भाजीपासून बनवलेले पदार्थ मोठ्या आवडीने खातात. बदामापेक्षा महाग असणाऱ्या सांगरीची खरेदी करण्यासाठी आता लोकांना दुप्पट किंमत मोजावी लागत आहे. 600 ते 700 रुपये किलोने विकल्या जाणाऱ्या या भाजीचा दर बाजारात 1200 रुपये किलोवर पोहोचला आहे.

सांगरीच्या उत्पादनात घट
दरवर्षी सांगरी ही बाजारात विक्रीसाठी चुरू जिल्ह्यासह आसपासच्या भागातून येतात. प्रत्येक हंगामात सुमारे 25 टन भाजी बाजारात येते. यावेळी गिल्डू रोगामुळे त्याचे उत्पादन पूर्णपणे प्रभावित झाले. व्यापाऱ्यांच्या म्हणण्यानुसार, रोगामुळे या भाजीपाल्याचे उत्पादन 35 टक्के म्हणजे सुमारे 8 टन इतके कमी झाले. त्यामुळेच यंदा सांगरीच्या भावात वाढ झाली आहे. तज्ज्ञांच्या मते पावसाच्या प्रभावामुळे सांगरी पिकाचे मोठे नुकसान झाले आहे. याशिवाय मार्च महिन्यातील कडाक्याच्या उन्हाचाही परिणाम झाला आहे.

अमेरिकन बदामापेक्षा महाग झाली भाजी
सध्या बाजारात सुकी सांगरी 1000 ते 1200 रुपये किलोपर्यंत विकली जात आहे. गेल्या वेळी 600 ते 800 रुपये किलो भाव होता. परिसरातील व्यापाऱ्यांच्या म्हणण्यानुसार, लॉकडाऊन लागू होणार होता, तेव्हा मार्च 2020 मध्ये 1 हजार रुपये किलोने सांगरीची सार्वजनिक विक्री झाली. आता अमेरिकन बदामाबद्दल बोलायचे झाले तर त्याची किंमत 800 रुपये प्रति किलो आहे, जी सांगरीच्या दरापेक्षा खूपच कमी आहे.

ही भाजी रोगप्रतिकारशक्ती वाढवणारी आहे
रोगप्रतिकारक शक्ती वाढवण्यासाठी सांगरीची भाजी सर्वोत्तम स्त्रोत मानली जाते. यामध्ये पोटॅशियम, मॅग्नेशियम, कॅल्शियम, लोह, जस्त, प्रथिने आणि फायबर भरपूर प्रमाणात असते. राजस्थानमध्ये 1899-1900 या काळात दुष्काळ पडला होता. याला छप्पनिया-काळ म्हणत. या दरम्यान केर आणि सांगरीच्या शेंगा लोकांना खूप उपयोगी पडल्या.

राजस्थानची सर्वात महाग भाजी सांगरीपासून बनवली जाते
पंचकुटाची सर्वात प्रसिद्ध भाजी सांगरीपासून तयार केली जाते. ही भाजी पाच प्रकारच्या भाज्यांपासून बनवली जाते. केर-सांगरी, कुमटी, बाबूल फली, गुंडा किंवा कमलगट्टा आणि लाल मिरची असेल कोणताही मारवाडी अगदी आरामात ही भाजी बनवू शकतो. या सर्व वस्तू बाजारात स्वतंत्रपणे उपलब्ध असतात.