श्रीराम माझ्या स्वप्नात आले होते, त्यांनी मला सांगितलं की, सध्या अयोध्येत जे काही चाललंय ते ढोंग आहे – तेजप्रताप यादव

By Shweta Chidmalwad On Jan 15, 2024

Ayodhya Ram Mandir: अयोध्येत रामललाच्या अभिषेकची (Ayodhya Ram Temple Inaguration) तयारी जोरात सुरू आहे. रामनामाचा गुंज देशभर ऐकू येत आहे. दरम्यान, लालू प्रसाद यादव (Lalu Prasad Yadv) यांचे पुत्र तेज प्रताप यादव (Tej Prasad Yadav) म्हणाले की, रामजी 22 जानेवारीला अयोध्येत येणार नाहीत. तेज प्रताप यादव यांनी दावा केला आहे की प्रभू राम यांनी त्यांना स्वप्नात सांगितले आहे की ते 22 जानेवारीला अयोध्या राम मंदिराच्या भव्य अभिषेक कार्यक्रमाला उपस्थित राहणार नाहीत.

तेज प्रताप यादव एका कार्यक्रमात म्हणाले, “निवडणुका संपल्याबरोबर राम विसरला जातो… ते 22 जानेवारीला येणार हे बंधनकारक आहे का? चार शंकराचार्यांच्या स्वप्नात राम आले होते. माझ्या स्वप्नातही रामजी आले होते. आणि म्हणाले ते अयोध्येला येणार नाहीत कारण जे काही चाललंय तो सर्व ढोंग आहे.”

तेज प्रताप यांचे भाऊ आणि बिहारचे उपमुख्यमंत्री तेजस्वी यादव यांनी अद्याप यावर कोणतीही प्रतिक्रिया दिलेली नाही. त्याचबरोबर विरोधी पक्ष भाजपनेही या मुद्द्यावर कोणतेही वक्तव्य केलेले नाही. मात्र, रामलल्लाच्या अभिषेक कार्यक्रमावरून देशभरात राजकारण सुरू आहे. भाजप आणि केंद्र सरकारवरही आरोप होत आहेत. भाजपवर हल्लाबोल करताना तेज प्रताप म्हणाले की, निवडणुका आल्या की मंदिराचा मुद्दा उपस्थित केला जातो. निवडणुका संपल्या की, मंदिराबाबत बोलले जात नाही.