Seema Haider Pregnancy: चार लेकरांची आई असलेली सीमा हैदर पुन्हा एकदा आहे प्रेग्नेंट?
सीमा-सचिनच्या प्रेमाच्या चर्चा सर्वत्र रंगत आहेत. बेकायदेशीरपणे भारतात आल्याचा खुलासा झाल्यानंतर यूपी एटीएस आणि अन्य तपास यंत्रणा सीमा हैदरची (Seema Haider) चौकशी करत असून सीमा हैदरवर कारवाईची टांगती तलवार आहे. त्याचवेळी रबुपुरा येथे राहणारे सीमा आणि तिचा प्रियकर सचिनचे कुटुंब सध्या आर्थिक समस्यांना तोंड देत आहे. मीडिया आणि लोकांच्या प्रचंड गर्दीमुळे सीमा, तिची चार मुले आणि प्रियकर सचिन यांना कुटुंबातील आणखी एका सदस्याच्या घरी ठेवण्यात आले आहे. त्याचवेळी सीमा गर्भवती असल्याची (Seema Haider Pregnant) बातमी रविवारी सोशल मीडियावर चांगलीच व्हायरल झाली.
सचिनचे वडील नेत्रपाल यांनी सांगितले की, प्रशासनाने त्याला घराबाहेर पडण्यास बंदी घातली आहे. सचिन राबुपुरा येथील एका किराणा दुकानात काम करतो आणि तो नोएडा येथे माळी म्हणून काम करतो. या प्रकरणानंतर पोलिसांनी त्याला घराबाहेर पडण्यास बंदी घातली आहे. जवळपास एक महिना कामावर न गेल्याने त्यांचे कुटुंब आर्थिक संकटातून जात आहे. कुटुंबात आठ जण आहेत. तो दिवसभर घरी बसतो. दुसरीकडे कोतवालीचे प्रभारी निरीक्षक सुधीर कुमार सांगतात की, सचिन आणि नेत्रपाल यांना घराबाहेर पडण्यास कोणतीही मनाई नाही. घराबाहेर जाऊन तो आपला रोजगार करू शकतो.
सीमा हैदर 4 महिन्यांची गरोदर आहे?
दरम्यान रविवारी सीमा हैदर 4 महिन्यांची गर्भवती असल्याची बातमी मोठ्या प्रमाणात व्हायरल होत आहे. सीमा हैदरची प्रकृती सतत बिघडत असल्याने ती गर्भवती असल्याचे सांगण्यात येत आहे. सचिनची सीमा हैदरची चाचणी करण्यात आल्याची चर्चा आहे, चाचणीचा अहवाल आल्यानंतर डॉक्टरांनी सीमाला तिच्या प्रकृतीची काळजी घेण्याचा सल्ला दिला आहे. सीमा किंवा सचिनने सध्या तरी याची पुष्टी केलेली नाही.