Hemant Godse: नाशिकची जागा शिवसेना शिंदे गटाच्या वाट्याला, हेमंत गोडसेंना उमेदवारी जाहीर

By Shweta Chidmalwad On May 1, 2024

Hemant Godse : नाशिक लोकसभा मतदारसंघातून छगन भुजबळ हे नाव सर्वाधिक चर्चेत होते. परंतु त्यांच्या उमेदवारीला विरोध दर्शवण्यात आल्याने महायुतीत तेढ निर्माण होऊ नये म्हणून भुजबळ यांनी लोकसभेतून माघार घेतली होती. त्यानंतर अखेर आज लोकसभा निवडणूक २०२४ साठी नाशिक मतदारसंघातून शिवसेनेचे अधिकृत उमेदवार म्हणून हेमंत गोडसे (Hemant Godse) यांचे नाव घोषित करण्यात आले आहे.

लोकसभा निवडणूक – २०२४ साठी नाशिक मतदारसंघातून शिवसेनेचे अधिकृत उमेदवार म्हणून हेमंत गोडसे यांचे नाव घोषित करण्यात आले आहे. त्यांना लोकसभा निवडणुकीसाठी हार्दिक शुभेच्छा !#Shivsena #LokasabhaElection2024 pic.twitter.com/R8Ykv8WUXs

— Shivsena – शिवसेना (@Shivsenaofc) May 1, 2024

हेमंत गोडसे हे 2007 मध्ये मनसेकडून जिल्हा परिषद सदस्य होते. 2009 च्या लोकसभा निवडणुकीत मनसेकडून राज्यात सर्वाधिक मत मिळालेला उमेदवार अशी त्यांची ओळख आहे. 2014 च्या निवडणुकीत त्यांनी छगन भुजबळ यांचा 1 लाख 87 हजार मतांनी केला दारुण पराभव केला होता. तर 2019 च्या निवडणुकीत समीर भुजबळ यांचाही 2 लाख 92 हजार मतांनी पराभव करत पराभवाची धूळ चारली होती. त्यानंतर आता तिसऱ्यांदा हेमंत गोडसेंना नाशिकमधून उमेदवारी मिळाली आहे.