विश्वचषक 2023मध्ये ‘या’ खेळाडूचा समावेश न करणे टीम इंडियाची मोठी चूक, युवराजचा मोठा दावा
भारतीय संघाचा माजी अष्टपैलू खेळाडू युवराज सिंग (Yuvraj Singh) म्हणाला की, युझवेंद्र चहलची (Yuzvendra Chahal) वनडे विश्वचषकाच्या (ODI World Cup 2023) संघात निवड न झाल्याने मला आश्चर्य वाटले. लेगस्पिनर म्हणून युझवेंद्र चहल हा भारतीय संघासाठी चांगला पर्याय ठरला असता, असे युवीचे मत आहे.
5 सप्टेंबर रोजी जेव्हा 15 सदस्यीय भारतीय संघाची घोषणा करण्यात आली तेव्हा युझवेंद्र चहलकडे दुर्लक्ष करण्यात आले. त्यानंतर बुधवारी अक्षर पटेल दुखापतीमुळे बाहेर गेला आणि त्याच्या जागी संघ व्यवस्थापनाने रविचंद्रन अश्विनचा (Ravichandran Ashwin) समावेश केला.
2011 च्या विश्वचषकात भारताला चॅम्पियन बनवण्यात महत्त्वाची भूमिका बजावणारा युवराज सिंग म्हणाला की, भारतीय संघ संतुलित आहे. मात्र, भारतीय परिस्थितीत चहलसारख्या लेगस्पिनरची गरज भासली असती यावर त्याने भर दिला. आमच्या संघाचा समतोल चांगला आहे. मला वाटतं युझवेंद्र चहल संघात असायला हवा होता कारण विश्वचषक भारतात होणार आहे. येथील खेळपट्टी फिरकीपटूंसाठी उपयुक्त ठरू शकते. अन्यथा, मला वाटते की हा एक अतिशय संतुलित संघ आहे.
चहलचा समावेश न केल्याने युवराज सिंगने निराशा व्यक्त केली. युवी म्हणाला की युझवेंद्र चहल हा असा गोलंदाज आहे जो आपल्या संघाला सामना जिंकून देऊ शकतो.
हा निर्णय जरा आश्चर्यकारक वाटला. मी सांगितले की लेग स्पिनर म्हणून युझवेंद्र चहल हा एक चांगला पर्याय ठरला असता. तो एक असा गोलंदाज आहे जो तुम्हाला सामना जिंकून देऊ शकतो. मला वाटते की वॉशिंग्टन सुंदर एक तरुण आहे आणि तो फलंदाजी करू शकतो. पण कर्णधार आणि प्रशिक्षक यांनी शेवटी सर्वोत्तम फॉर्म शोधायला हवा.
https://youtu.be/gCfxHtR26Wo?si=MEthSTF6L7ExyINO
महत्वाच्या बातम्या-
Ganesh Visarjan 2023: पुण्यातील मानाचे कसबा गणपतीच्या मिरवणुकीला सुरूवात
नवरात्रीत स्वत:ला एक सुंदर लुक द्यायचा असेल तर या टिप्स अवश्य फॉलो करा