Adani Groupवर स्वतःचे शेअर्स गुपचूप खरेदी केल्याचा आरोप
Adani Group Stocks: हिंडेनबर्गनंतर ऑर्गनाइज्ड क्राइम अँड करप्शन रिपोर्टिंग प्रोजेक्ट (ओसीआरपी) ने ताज्या अहवालात अदानी समूहावर आरोप केले आहेत. अदानी समूहाने गुपचूप स्वत:चे शेअर्स खरेदी करून स्टॉक एक्स्चेंजमध्ये लाखो डॉलर्सची गुंतवणूक केल्याचे या अहवालात उघड झाले आहे. OCCRP ने मॉरिशसमध्ये केलेल्या अदानी समूहाच्या व्यवहारांचा तपशील जाहीर करण्याचा दावाही केला आहे. या अहवालानंतर गुरुवारी अदानी समूहाच्या शेअर्समध्ये सातत्याने घसरण होत आहे.
वृत्तानुसार, समूह कंपन्यांनी 2013 ते 2018 या काळात गुपचूप त्याचे शेअर्स विकत घेतले. OCCRP चा दावा आहे की त्यांनी मॉरिशसमधून मार्गस्थ झालेले व्यवहार आणि अदानी समूहाचे अंतर्गत ईमेल पाहिले आहेत. अहवालात असे म्हटले आहे की, गुंतवणूकदारांनी विदेशी कंपन्यांच्या माध्यमातून अदानी समूहाचे शेअर्स खरेदी आणि विक्री केल्याची किमान दोन प्रकरणे तपासात उघड झाली आहेत.
OCCRP अहवालात गुरुवारी नसीर अली शाबान अहली आणि चांग चुंग-लिंग या दोन गुंतवणूकदारांची नावे आहेत. अहवालात असे म्हटले आहे की हे लोक अदानी कुटुंबाचे दीर्घकाळ व्यवसाय भागीदार आहेत. OCCRP ने असा दावा केला आहे की चांग आणि अहली यांनी गुंतवलेले पैसे अदानी कुटुंबाने दिल्याचा कोणताही पुरावा नाही, परंतु अहवाल आणि कागदपत्रांवरून असे दिसून येते की अदानी समूहातील त्यांची गुंतवणूक अदानी कुटुंबाच्या समन्वयाने केली होती.