Parliament Special Session: 18 ते 22 सप्टेंबर दरम्यान संसदेचं विशेष अधिवेशन; 10 महत्वाची विधेयके मांडली जाणार ?
Parliament Special Session: केंद्र सरकारने संसदेचे विशेष अधिवेशन बोलावले आहे. संसदीय कामकाज मंत्री प्रल्हाद जोशी यांनी गुरुवारी (31 ऑगस्ट) याबाबतची माहिती दिली असून संसदेचे विशेष अधिवेशन 18 ते 22 सप्टेंबरपर्यंत चालणार आहे. नवीन संसदेत विशेष अधिवेशन होणार आहे.
Special Session of Parliament (13th Session of 17th Lok Sabha and 261st Session of Rajya Sabha) is being called from 18th to 22nd September having 5 sittings. Amid Amrit Kaal looking forward to have fruitful discussions and debate in Parliament.
ಸಂಸತ್ತಿನ ವಿಶೇಷ ಅಧಿವೇಶನವನ್ನು… pic.twitter.com/k5J2PA1wv2
— Pralhad Joshi (@JoshiPralhad) August 31, 2023
सूत्रांनी दिलेल्या माहितीनुसार, या अधिवेशनात 10 हून अधिक महत्त्वाची विधेयके मांडली जाणार आहेत. मात्र ही विधेयकं नेमकी कुठली आहेत? ते काही वेळातच कळणार आहे. दरम्यान, 9 आणि 10 सप्टेंबर रोजी राष्ट्रीय राजधानीत G20 शिखर परिषदेच्या काही दिवसांनंतर हे विशेष अधिवेशन होईल. पण या अधिवेशनात काय अजेंडा असेल याची माहिती अद्याप देण्यात आलेली नाही.
संसदेचे पावसाळी अधिवेशन 20 जुलै ते 11 ऑगस्टपर्यंत चालले होते. यादरम्यान मणिपूरमधील हिंसाचारावर दोन्ही सभागृहात प्रचंड गदारोळ झाला. मणिपूर प्रकरण आणि पंतप्रधान मोदींच्या वक्तव्यावर चर्चेची मागणी करत विरोधी पक्षांनी सभागृहात गदारोळ केला होता. मणिपूर हिंसाचाराच्या मुद्द्यावर विरोधी आघाडी भारतानेही केंद्र सरकारविरोधात अविश्वास प्रस्ताव आणला होता. या चर्चेदरम्यान सत्ताधारी आणि विरोधकांनी एकमेकांवर जोरदार हल्लाबोल केला.