Dasara Special: दशरथ नंदनसारखा आदर्श मुलगा हवाय? श्रीरामांचे गुण अंगीकारण्यासाठी मुलाला करा प्रेरित
Dussehra 2023: शारदीय नवरात्री (Shardiy Navratri) संपल्यानंतर दुसऱ्या दिवशी दसरा (Dasara) हा पवित्र सण साजरा केला जातो. यंदा 24 ऑक्टोबर 2023 रोजी दसरा साजरा होत आहे. हिंदू धर्मात दसऱ्याला विशेष महत्त्व आहे. या दिवशी भगवान विष्णूचा अवतार श्री रामचंद्र यांनी लंकेच्या राजा रावणाचा (Ravan) वध करून असत्य आणि अधर्मावर विजय मिळवला, म्हणून या सणाला विजयादशमी (Vijayadashmi) असेही म्हणतात.
भगवान विष्णूचा सातवा अवतार मानले जाणारे भगवान श्री राम (Shri Ram) हे एक आदर्श पुरुष असल्याचे म्हटले जाते. मर्यादा पुरुषोत्तम हे श्रीरामाच्या नावाशी जोडलेले आहे, कारण ते नेहमी मर्यादेचे पालन करायचे. ते एक महान राजा, एक आदर्श पुत्र, एक उच्च दर्जाचे शिष्य, एक आदर्श भाऊ आणि पती होते, जे युगानुयुगे स्मरणात राहतील.
श्रीरामांनी आयुष्यभर सत्य, धर्म, दया आणि सन्मानाचा मार्ग अवलंबला. या कारणास्तव त्यांच्या राजवटीला ‘रामराज्य’ असे म्हणतात. ‘मुलगा असेल तर रामसारखा असावा’, राजा असेल तर रामसारखा असावा’, चारित्र्य असेल तर रामासारखे असावे,’ अशी प्रत्येकाची अपेक्षा असते. अशा वेळी तुमचा मुलगा रामासारखा बनून समाजाचा आदर्श माणूस व्हावा असे तुम्हालाही वाटत असेल, तर त्याला भगवान श्रीरामाचे गुण सांगा.
श्रीरामांचे गुण:
दयालु राम
भगवान श्री रामचंद्र खूप दयाळू होते. त्यांच्या सैन्यात मानवांव्यतिरिक्त सर्व प्राणी आणि दानव होते. त्यांनी सुग्रीवाला राजा बनवले. हनुमान, जामवंत आणि नल-नील यांना आपल्या सैन्याचे नेतृत्व करण्याचा अधिकार दिला. जात, वर्ग असा भेद न करता मैत्री जपली. शबरीने हसतमुखाने दिलेले मनुके खाल्ले. श्रीरामाच्या दयाळू आचरणाचे हे उदाहरण आहे.
सहनशील आणि धैर्यवान
भगवान श्रीरामांचा एक विशेष गुण म्हणजे त्यांची सहनशीलता आणि संयम. माता कैकेयीच्या सांगण्यावरून १४ वर्षांचा वनवास असो, किंवा माता सीतेचा त्याग करून राजा असूनही भिक्षूसारखे जीवन जगणे असो, श्रीरामांनी सदैव सहनशीलतेने आणि संयमाने आपले कर्तव्य पार पाडले.
चांगले व्यवस्थापन
एक आदर्श राजा असण्यासोबतच श्रीराम हे एक कुशल व्यवस्थापक देखील होते. त्यांनी आपल्या सैन्यासह लंकेला जाण्यासाठी दगडी पूल बांधला. त्यासाठी उत्तम व्यवस्थापन केले. त्यांच्या सैन्यात प्राणी आणि मानव दोघेही सामील होते. त्यांच्यातील व्यवस्थापन, त्यांचे राज्य रामराज्य करण्यासाठी केलेले उत्तम व्यवस्थापन यावरून त्यांची कार्यक्षमता दिसून येते.
आदर्श मुलगा आणि भाऊ
श्रीराम हे कौशल्येचे पुत्र होते, परंतु ते कैकेयीला प्रिय होते. सगळ्यात जास्त ते कैकेयी आईच्या जवळ होते. जेव्हा माता कैकेयीने त्यांना अयोध्येच्या राजाचे पद सोडण्यास सांगितले तेव्हा त्यांनी आपले सुखी जीवन सोडून १४ वर्षांचा वनवास पत्करला. हे करून त्यांनी एक आदर्श पुत्राचे कर्तव्य पार पाडले आणि आपल्यासाठी राज्याचा त्याग करून बंधुप्रेम दाखवले. सावत्र भाऊ भरत.. त्यांचे स्वतःच्या भावांपेक्षा आपल्या तीन भावांवर जास्त प्रेम होते.
https://youtu.be/_O7XOEdnngI?si=dWo8PCZVDaXHz5wr
महत्वाच्या बातम्या-
साप माणसाला चावला तर माणूस मरेल, पण स्वतःला चावला तर काय होईल?
Maharashtra Kesari : महाराष्ट्र केसरी स्पर्धेसाठी ‘राष्ट्रीय तालीम संघाची’ निवड चाचणी रविवारी