दरमहा हजारो रुपये कमवाल; ‘हा’ व्यवसाय अतिशय कमी खर्चात नोकरीसह सुरू करा 

पुणे – जर तुम्ही नोकरी (job)करत असाल आणि काही अतिरिक्त पैसे कमवायचे असतील तर आजकाल असे अनेक व्यवसाय आहेत ज्यात तुम्ही हात आजमावू शकता. हे असे व्यवसाय आहेत जे अगदी कमी गुंतवणुकीत सुरू करता येतात. आज आम्‍ही तुम्‍हाला अशा बिझनेसबद्दल सांगणार आहोत, जो केवळ 50,000 रुपयांत सुरू करता येतो. चला तर मग जाणून घेऊया काही खास बिझनेस आयडिया.(bussness ideas)

तुम्ही तुमच्या घरी अगरबत्ती बनवण्याचा व्यवसाय सुरू करू शकता. अगरबत्ती तयार करण्यासाठी विविध प्रकारची यंत्रे वापरली जातात. यामध्ये मिक्सर मशीन, ड्रायर मशीन आणि मुख्य उत्पादन मशीन यांचा समावेश आहे. भारतात अगरबत्ती बनवण्याच्या मशीनची किंमत 35000 ते 175000 रुपयांपर्यंत आहे. या मशीनमधून 1 मिनिटात 150 ते 200 अगरबत्ती बनवता येते. जर तुम्ही हाताने अगरबत्ती बनवली तर तुम्ही 15,000 रुपयांपेक्षा कमी किंमतीपासून सुरुवात करू शकता.

अगरबत्ती बनवण्यासाठी साहित्य गम पावडर, चारकोल पावडर, बांबू, नर्गिस पावडर, सुगंधी तेल, पाणी, सेंट्स, फुलांच्या पाकळ्या, चंदनाचे लाकूड, जिलेटिन पेपर, शॉ डस्ट, पॅकिंग साहित्य असेल. कच्च्या मालाच्या पुरवठ्यासाठी तुम्ही बाजारातील चांगल्या पुरवठादारांशी संपर्क साधू शकता. कोणताही व्यवसाय सुरू करण्यासाठी केंद्र सरकारच्या अनेक योजना आहेत, ज्याचा फायदा घेऊन हा व्यवसाय सुरू करता येतो.