#factcheck : केंद्र सरकार सर्व विद्यार्थ्यांना लॅपटॉप मोफत देत आहे का?
पुणे – सोशल मीडियावर एक मेसेज मोठ्या प्रमाणात व्हायरल होत आहे. सरकार पुन्हा एकदा सर्व विद्यार्थ्यांना मोफत लॅपटॉप देत असल्याचा दावा या संदेशात केला जात आहे. यासाठी तुम्हाला फक्त एका लिंकवर जाऊन नोंदणी करावी लागेल. या व्हायरल मेसेजची सत्यता नेमकी काय हे आज आपण जाणून घेणार आहोत.
कोरोनाच्या काळात अनेक बनावट आणि व्हायरल मेसेज समोर आले आहेत, ज्यामध्ये अनेक प्रकारचे खोटे दावे केले जात आहेत. तुमचा नंबर रजिस्टर करून मोफत लॅपटॉप मिळवू शकता, असा दावा या मेसेजमध्ये केला जात आहे. पीआयबीने या संदेशाची सत्यता तपासली आहे.
या व्हायरल मेसेजची लिंक पूर्णपणे फेक आहे. या लिंकवर क्लिक करू नका किंवा कोणाशीही शेअर करू नका. केंद्र सरकार सर्व विद्यार्थ्यांना मोफत लॅपटॉप सुविधा देत असल्याचे या संदेशात लिहिले आहे. PIB ला या मेसेजची सत्यता समजली आणि तो पूर्णपणे बनावट असल्याचे आढळून आले. केंद्र सरकारने असा कोणताही संदेश जारी केलेला नाही. केंद्र सरकार अशी कोणतीही योजना राबवत नाही.
पीआयबीने तथ्य तपासणीनंतर हा संदेश पूर्णपणे बनावट असल्याचे म्हटले आहे. सोशल मीडियावर व्हायरल होणाऱ्या अशा मेसेजपासून प्रत्येकाने सावध राहावे, असे पीआयबीने म्हटले आहे. PIB ने लोकांना असे मेसेज फॉरवर्ड न करण्यास सांगितले आहे. अशा संदेशांद्वारे दिशाभूल करून, तुम्ही तुमची वैयक्तिक माहिती आणि पैसा धोक्यात आणता.
जर असा कोणताही मेसेज तुमच्यापर्यंत आला, तर तुम्ही त्याची सत्यता जाणून घेण्यासाठी फॅक्ट चेक करू शकता. तुम्ही PIB द्वारे तथ्य तपासणी करू शकता. यासाठी तुम्हाला https://factcheck.pib.gov.in/ या अधिकृत लिंकला भेट द्यावी लागेल. याशिवाय, तुम्ही व्हॉट्सअॅप नंबर +918799711259 किंवा ईमेल: [email protected] वर व्हिडिओ पाठवू शकता.
A text message with a website link is circulating with a claim that the Government of India is offering free laptops for all students. #PIBFactCheck:
▶️The circulated link is #Fake.
▶️The government is not running any such scheme. pic.twitter.com/OkYDOY8ns5
— PIB Fact Check (@PIBFactCheck) April 25, 2022