जम्मूमध्ये सापडलेला दहशतवादी भाजपचा माजी IT सेल प्रभारी
जम्मू – जम्मू पोलिसांनी लष्कर-ए-तोयबाच्या एका कट्टरवाद्याला अटक केलीय. तालिब हुसैन शाह असं त्याचं नाव आहे. जम्मू पोलिसांच्या माहितीनुसार, तालिब हा पूर्वी जम्मू भाजपच्या अल्पसंख्यांक मोर्चाचा सोशल मीडिया प्रभारी होता. रविवारी सकाळी तालिब हुसैन शाह आणि त्याच्या साथीदारांना रहिवाशी भागातून नागरिकांनी पोलिसांच्या ताब्यात दिले.
दरम्यान, यावेळी पोलिसांनी त्यांच्याकडून एके-47, ग्रेनेड्स आणि इतर शस्त्रास्त्रं जप्त केली. अटक केलेला तालिब हा कधीकाळी भाजपशी संबंधित होता, याबाबत भाजपचे प्रवक्ते आर. एस. पाठानिया म्हणाले की, ऑनलाईन सदस्यता घेण्याचा हाच फटका आहे. कारण कुठलीही पार्श्वभूमी न तपासता तुम्ही सदस्यत्व देऊन टाकता. दरम्यान, कुठलाही मोठा घातपात करण्याआधीच जम्मू पोलिसांनी तालिब आणि त्याच्या साथीदारांना अटक केली आहे.
Hats off to the courage of villagers of Tuksan, in #Reasi district . Two #terrorists of LeT apprehended by villagers with weapons; 2AK #rifles, 7 #Grenades and a #Pistol. DGP announces #reward of Rs 2 lakhs for villagers. pic.twitter.com/iPXcmHtV5P
— IGP Jammu (@igpjmu) July 3, 2022