हार्दिक पांड्याच्या संघात पुनरागमनाचा सस्पेन्स संपला! ‘या’ मालिकेतून कमबॅक करणार

By Shweta Chidmalwad On Dec 24, 2023

Hardik Pandya Updates: टीम इंडियाचा अनुभवी अष्टपैलू खेळाडू हार्दिक पंड्याचं संघात पुनरागमन (Hardik Pandya Comeback) हे मोठं कोडे बनलं आहे. हार्दिकचे चाहते त्याच्या लवकर संघात पुनरागमन होण्याची वाट पाहत आहेत. दरम्यान, हार्दिकच्या पुनरागमनाशी संबंधित एक मोठी बातमी समोर येत आहे. मीडिया रिपोर्ट्सवर विश्वास ठेवला तर, हार्दिक पांड्या लवकरच टीम इंडियामध्ये परत येऊ शकतो. ही बातमी हार्दिकच्या चाहत्यांसह मुंबई इंडियन्ससाठी चांगलीच आहे.

मुंबई इंडियन्सने आयपीएल 2024 साठी कर्णधारपदी म्हणून नियुक्ती
कारण अलीकडेच काही मीडिया रिपोर्ट्समध्ये असा दावा केला जात होता की, हार्दिकची प्रकृती सध्या चांगली नसल्यामुळे तो आयपीएल 2024 मधून बाहेर पडू शकतो. मुंबई इंडियन्सने हार्दिकला आयपीएल 2024 साठी संघाचा कर्णधार बनवले आहे. अशा परिस्थितीत हार्दिकच्या संघात पुनरागमन झाल्याची बातमी समजल्यानंतर चाहते आणि मुंबई इंडियन्सला दिलासा मिळाला आहे.

जानेवारीत टी-20 मालिका होणार आहे
मीडिया रिपोर्ट्सनुसार, जानेवारीमध्ये भारत आणि अफगाणिस्तानमध्ये तीन सामन्यांची टी20 मालिका होणार आहे. अशा परिस्थितीत हार्दिक या मालिकेदरम्यानच संघात पुनरागमन करू शकतो. या मालिकेतील पहिला सामना 11 जानेवारीला होणार आहे. यामध्ये हार्दिक पांड्या कर्णधार म्हणून दिसणार आहे. भारताने आयोजित केलेल्या एकदिवसीय विश्वचषकात बांगलादेशविरुद्ध नुकतेच पंड्याला दुखापत झाली होती. तेव्हापासून तो सतत क्रिकेटपासून दूर आहे.

मालिकेचे सामने कधी आणि कुठे खेळवले जातील
मात्र, आता समोर येत असलेल्या बातम्यांनुसार, पांड्या घोट्याच्या दुखापतीतून पूर्णपणे बरा झाला असून तो सतत सरावही करत आहे. भारत आणि अफगाणिस्तान यांच्यातील टी-20 मालिकेबद्दल बोलायचे झाले तर, या मालिकेतील पहिला सामना 11 जानेवारीला मोहाली येथे खेळवला जाईल. तर दुसरा सामना 14 जानेवारीला इंदूरमध्ये तर मालिकेतील तिसरा सामना 17 जानेवारीला बेंगळुरूमध्ये खेळवला जाईल.