Sheetal Mhatre | ‘दावोसच्या गुलाबी थंडीत तुम्ही काय केलत?’ शितल म्हात्रे यांची प्रियंका चतुर्वेदींवर जहरी टीका
Sheetal Mhatre | लोकसभा निवडणुकीच्या धामधुमीत शिवसेनेच्या उद्धव गटाच्या नेत्या आणि खासदार प्रियांका चतुर्वेदी (Priyanka Chaturvedi) यांच्या विधानाने महाराष्ट्रात राजकारणात वादळ निर्माण झाले आहे. प्रियांका चतुर्वेदी यांनी ईशान्य मुंबईतील प्रचारात राज्याचे मुख्यमंत्री एकनाथ शिंदे यांचे खासदार पुत्र श्रीकांत शिंदे यांच्याबाबत तिखट वक्तव्य केल्याने शिंदे गटातील नेत्यांमध्ये नाराजी पसरली आहे.
प्रियांका चतुर्वेदी म्हणाल्या की, श्रीकांत शिंदे यांच्या कपाळावर लिहिले आहे, माझे वडील गद्दार आहेत. कोण आहेत एकनाथ शिंदे? गद्दार. हा आवाज ठाण्यात पोहोचला पाहिजे, असेही त्या पुढे म्हणाल्या.
त्यांच्या या वक्तव्यावरुन शिवसेना शिंदे गटाच्या महिला नेत्या शीतल म्हात्रे यांनी सडेतोड प्रत्युत्तर दिले आहे. प्रियंका चतुर्वेदी यांनी खासदारकी कशी मिळवली, हे लोकांना सांगितले पाहिजे. मराठीचा गंध नसताना, कुठलेही कतृत्व नसताना इतकेच काय शिवसेनेशी संबंध नसताना चतुर्वेदी तुम्ही खासदारकी मिळवली. आता खासदारकीची टर्म संपत असताना तुमची जी काही तफफड सुरु आहे ती आपल्या वक्तव्यातून दिसतेय. बुलंदी सिनेमातला एक डायलॉग आहे ‘बिल्ली के दात गिरे नहीं और चली शेर के मॅंह में हाथ डालने’ अशीच काहीशी परिस्थिती प्रियंका चतुर्वेदी यांची झाली आहे, अशी टीका शीतल म्हात्रेंनी (Sheetal Mhatre) केली.
तसेच त्या पुढे म्हणाल्या, तुमचा काही संबध नसताना दावोसला जाऊन गुलाबी थंडीत काय केले हेही प्रियंका चतुर्वेदी यांनी लोकांना सांगितले पाहिजे. पुन्हा खासदारकी मिळवण्यासाठी गेल्या आठड्यात कोणाकोणाला भेटलात आणि स्वत:जवळ आदित्य ठाकरेंचे कसे कसे फोटोग्राफ आहेत हे दाखवून तरी मला खासदारकी द्या ,असे सांगणाऱ्या प्रियंका चतुर्वेदी यांनी बोलताना विचार करावा आणि भान ठेवावे, अशी वैयक्तिक पातळीवरील टीका त्यांनी यावेळी केली आहे.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअॅप ग्रुप
महत्वाच्या बातम्या :
Ravindra Dhangekar | पुण्याची निवडणूक पूर्णपणे महाविकास आघाडीच्या हाती