इरफानने टी20 विश्वचषकासाठी भारतीय संघात हार्दिकला दिली जागा; इशान-अय्यरला केले बाहेर
Irfan Pathan T20 World Cup Team: टी20 विश्वचषक 2024 चा उत्साह वाढू लागला आहे. इंडियन प्रीमियर लीगच्या 17 व्या हंगामानंतर लगेचच अमेरिका आणि वेस्ट इंडिजच्या भूमीवर क्रिकेट विश्वचषक खेळवला जाणार आहे. या महिन्यात विश्वचषकासाठी संघ जाहीर होणार असून आयपीएलमधील प्रत्येक खेळाडूच्या कामगिरीवर निवड समिती लक्ष ठेवून आहेत.
दरम्यान, भारताचा माजी क्रिकेटपटू इरफान पठाणने (Irfan Pathan) विश्वचषकासाठी भारतीय संघाची निवड केली आहे. पठाणने विराट कोहलीला स्थान दिले आहे, पण संघात दोन स्टार खेळाडूंचा समावेश केलेला नाही.
पठाणने विश्वचषक संघाची निवड केली
इरफान पठाणने ईएसपीएन क्रिकेट इन्फोशी बोलताना टी20 वर्ल्ड कपसाठी भारतीय संघाची निवड केली. पठाणने आपल्या संघात फलंदाज म्हणून रोहित शर्मा, विराट कोहली, यशस्वी जैस्वाल, सूर्यकुमार यादव आणि रिंकू सिंग यांचा समावेश केला आहे. विराट या मेगा इव्हेंटमध्ये भारताचा भाग असेल की नाही? हा मोठा प्रश्न आहे. मात्र, इरफानने आपल्या संघात कोहलीला नक्कीच स्थान दिले आहे.
इरफानने या दोन अष्टपैलू खेळाडूंना स्थान दिले
अष्टपैलू म्हणून, माजी भारतीय क्रिकेटपटूने आपल्या संघात हार्दिक पांड्या आणि रवींद्र जडेजा यांचा समावेश केला आहे. फलंदाजीत योगदान देण्यासोबतच हार्दिक वेगवान गोलंदाजाची भूमिकाही बजावू शकतो. त्याचबरोबर जडेजा हा क्रिकेटच्या सर्वात लहान फॉरमॅटमध्ये अत्यंत प्रभावी खेळाडू मानला जातो.
ऋषभ पंतला स्थान देण्यात आले
इरफान पठाणने टी20 विश्वचषकासाठी आपल्या संघात तीन यष्टीरक्षक फलंदाजांचा समावेश केला आहे. माजी क्रिकेटपटूने जितेश शर्मा, केएल राहुल आणि ऋषभ पंत यांच्यावर विश्वास दाखवला आहे. कार अपघातातून सावरल्यानंतर पंत आयपीएल 2024 मध्ये कहर करत आहे.
हे गोलंदाज पठाणची पसंती आहेत
इरफान पठाणने जसप्रीत बुमराह आणि मोहम्मद सिराज यांची वेगवान गोलंदाज म्हणून निवड केली आहे. त्याचवेळी, इरफानच्या म्हणण्यानुसार, तो अर्शदीप आणि मोहसिन खानपैकी एकाला आपल्या टीममध्ये ठेवू इच्छितो. फिरकी विभागात माजी गोलंदाजाने कुलदीप यादव आणि रवी बिश्नोई यांच्यावर विश्वास दाखवला आहे.
ही मोठी नावे वगळण्यात आली
इरफान पठाणने आपल्या संघात इशान किशन, संजू सॅमसन, आर अश्विन, युजवेंद्र चहल या मोठ्या नावांचा समावेश केलेला नाही. त्याचवेळी इरफानने श्रेयस अय्यरवरही विश्वास दाखवलेला नाही. यासोबतच टिळक वर्मा यांचाही त्यांच्या संघात समावेश नाही.
टी20 विश्वचषक 2024 साठी इरफान पठाणचा संघ
रोहित शर्मा, विराट कोहली, शुभमन गिल, यशस्वी जैस्वाल, सूर्यकुमार यादव, रिंकू सिंग, हार्दिक पंड्या, रवींद्र जडेजा, जितेश शर्मा, केएल राहुल, ऋषभ पंत, कुलदीप यादव, रवी बिश्नोई, जसप्रीत बुमराह, मोहम्मद सिराज, अर्शदीप सिंग किंवा मोहसीन खान.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
महत्वाच्या बातम्या :
Murlidhar Mohol | मुरलीधर मोहोळांना मिळणार आता देवधरांचीही साथ
मतदारसंघात न फिरकल्याचा अमोल कोल्हे यांना बसणार फटका? नागरिकांची नाराजी शिवाजी दादांच्या पथ्यावर