ठरलं तर! सिद्धार्थ मल्होत्रा आणि कियारा अडवाणी अडकणार लग्नाच्या बेडीत, विवाहाची तारिख आली समोर
Sidharth Kiara Wedding: बॉलिवूडमधील चर्चित कपल सिद्धार्थ मल्होत्रा (Sidharth Malhotra) आणि कियारा अडवाणी (Kiara Advani) यांचे हात लवकरच पिवळे होणार आहेत. पुढच्या वर्षी फेब्रुवारीमध्ये (Sidharth Kiara Wedding Date) दोघेही लग्न करणार असल्याचे सांगण्यात येत आहे. हे लग्न राजस्थानमध्ये (Sidharth Kiara Wedding Venue) होणार असून त्यात त्याचे जवळचे मित्र आणि कुटुंबातील सदस्य सहभागी होणार आहेत. लग्नाबाबत या जोडप्याकडून कोणतेही अधिकृत वक्तव्य आलेले नसले तरी नुकतेच दोघेही प्रसिद्ध फॅशन डिझायनर मनीष मल्होत्राच्या घराबाहेर दिसले होते, त्यानंतर त्यांच्या लग्नाच्या चर्चांना उधाण आले आहे.
कपलच्या लग्नाची तारीख समोर आली
ई-टाइम्सने दिलेल्या वृत्तात लिहिले आहे की, ‘सिद्धार्थ मल्होत्रा आणि कियारा अडवाणी 6 फेब्रुवारीला लग्न करणार आहेत. 4 आणि 5 फेब्रुवारी रोजी या जोडप्याचे प्री-वेडिंग फंक्शन्स होणार आहेत, ज्यामध्ये मेहंदी, हळदी आणि संगीत सारखे समारंभ होतील. 6 फेब्रुवारीला दोघेही जैसलमेर पॅलेस हॉटेलमध्ये सातफेरे करतील. कडेकोट बंदोबस्तात हा विवाहसोहळा पार पडेल.’
शेरशाहमुळे जवळ आले सिड-कियारा
सिद्धार्थ मल्होत्रा आणि कियारा अडवाणी यांनी ‘शेरशाह’ (Shershah) चित्रपटात एकत्र स्क्रिन शेअर केली होती, त्यानंतर त्यांच्या नात्याच्या बातम्या चर्चेत आल्या होत्या. या चित्रपटात दोघांच्या अभिनयासोबतच चाहत्यांना त्यांची केमिस्ट्रीही खूप आवडली. यानंतर सिद्धार्थ आणि कियारा अनेकदा अनेक कार्यक्रमांमध्ये एकत्र दिसले आहेत.
सिद्धार्थ आणि कियाराने एकत्र केलेले चित्रपट
वर्कफ्रंटबद्दल बोलायचे झाले तर, सध्या सिद्धार्थ मल्होत्रा त्याच्या आगामी ‘मिशन मजनू’ (Mission Majnu) चित्रपटामुळे चर्चेत आहे. यामध्ये सिद्धार्थसोबत ‘पुष्पा: द राइज’ फेम रश्मिका मंदान्ना (Rashmika Mandhana) दिसणार आहे. हा चित्रपट 20 जानेवारीपासून OTT प्लॅटफॉर्म Netflix वर स्ट्रीम केला जाईल.
त्याचवेळी कियारा अडवाणी शेवटची ‘गोविंदा नाम मेरा’ या चित्रपटात दिसली होती, ज्यामध्ये तिने विकी कौशल आणि भूमी पेडणेकरसोबत काम केले होते. आता कियाराचा ‘RC 15’ (RC15) चित्रपट पुढील वर्षी प्रदर्शित होणार आहे. यामध्ये ती राम चरणसोबत स्क्रीन शेअर करत आहे.