India Aghadi | भाजपा कामगार कायदे कमकुवत करत आहे, त्यांचा वेठबिगार पद्धत आणण्याचा मानस
India Aghadi | भाजप सरकार केवळ उद्योगपतींना मदत करण्यासाठी कामगार कायदे कमकुवत करत असल्याचा आरोप गोवा प्रदेश काँग्रेस समितीचे उपाध्यक्ष सुनील कवठणकर यांनी बुधवारी केला.
सुनील कवठणकर यांच्यासह गोवा फॉरवर्डचे सरचिटणीस दुर्गादास कामत आणि राष्ट्रवादी काँग्रेसचे ज्येष्ठ नेते अविनाश भोसले यांनी काँग्रेसच्या हावस येथे पत्रकार परिषद घेतली आणि कामगारांच्या प्रश्नांकडे दुर्लक्ष केल्याबद्दल भाजपवर टीका केली.
“कोणत्याही कायद्यात सुधारणा केली की त्याचा फायदा जनतेला व्हायला हवा, पण इथे कामगार कायद्याच्या बाबतीत पंतप्रधान नरेंद्र मोदी उद्योगपतींना फायदा करून देण्यासाठी त्यात सुधारणा करतात. कारण त्यांच्याकडून त्यांना इलेक्टोरल बाँड्सच्या माध्यमातून कोट्यवधी रुपये मिळत आहे,”असा आरोप कवठणकर यांनी केला.
‘‘मोदींनी कामगार कायदे कमकुवत केले आहेत. जर भाजप पुन्हा सत्तेवर आला तर ते वेबिगार पद्धत आणतील आणि आमच्या मजुरांना त्रास देतील, असे कवठणकर म्हणाले.
ते म्हणाले की, केंद्रीय कामगार संघटनांनी भाजपच्या कित्येक निर्णयांना विरोध केला आहे, मात्र कामगारविरोधी सरकार मागण्यांकडे लक्ष देत नाही.
काँग्रेसने दिलेल्या ‘न्याय पत्र’ हमीबद्दल बोलताना कवठणकर म्हणाले की त्यांच्या पक्षाने मनरेगाच्या समावेशासह ‘श्रम का सन्मान’या माध्यमातून 400 रुपये प्रतिदिन राष्ट्रीय किमान वेतन देण्याचे वचन दिले आहे.
ते म्हणाले की, पक्षाने वचन दिले आहे की “सर्वांना आरोग्य अधिकार’’ दिला जाणार आहे, ज्यामध्ये 25 लाख रुपयांचे सार्वत्रिक आरोग्य विमा कव्हरेज, मोफत निदान, उपचार, औषधे आणि शस्त्रक्रिया सेवा दिल्या जातील.
“आम्ही ‘शहरी रोजगार हमी’चे वचन दिले आहे ज्या अंतर्गत शहरी भागांसाठी नवीन रोजगार हमी कायदा आणला जाईल. तसेच असंघटित कामगारांसाठी जीवन विमा आणि अपघात विमा देखील काँग्रेसकडून प्रदान केला जाईल,” असे ते म्हणाले.
“आमच्या तेलंगणा आणि कर्नाटकातील सरकारने दिलेली आश्वासने १०० दिवसांत पाळली आहेत आणि लोकांना लाभ मिळवून दिला आहे. आताही, आम्ही सरकार स्थापन केल्यानंतर आम्ही आमची आश्वासने पूर्ण करू, त्यामुळे त्याचा जनतेला फायदा होईल,” असे ते म्हणाले.
मोदी आणि मुख्यमंत्री प्रमोद सावंत यांनी गेल्या दहा वर्षांत मजुरांसाठी काय केले ते सांगावे. जर त्यांनी तसे केले असेल तर कामगार संघटना त्यांच्या विरोधात का आहेत हे त्यांनी स्पष्ट केले पाहिजे,” असे त्यांनी म्हटले.
ते म्हणाले, “माझा पंतप्रधान मोदींना (India Aghadi) एक प्रश्न आहे, ज्याचे उत्तर त्यांनी द्यायला हवे की अदानी ‘क्रमांक एक’ उद्योगपती कसा बनला.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
महत्वाच्या बातम्या :
Murlidhar Mohol : पुण्यातून आंतरराष्ट्रीय खेळाडू घडवण्याला प्राधान्य असेल, मुरलीधर अण्णांचा विश्वास