Manohar Joshi | कडवट शिवसैविक हरपला! शिक्षक ते महाराष्ट्राच्या मुख्यमंत्रीपदापर्यंतचा प्रवास करणारे मनोहर जोशी, वाचा त्यांच्याबद्दल
Manohar Joshi Passed Away : महाराष्ट्राचे माजी मुख्यमंत्री आणि शिवसेना नेते मनोहर जोशी यांचे वयाच्या 86 व्या वर्षी निधन झाले. बुधवारी हृदयविकाराचा झटका आल्याने त्यांना हिंदुजा रुग्णालयातील आयसीयूमध्ये दाखल करण्यात आले होते. मात्र आज पहाटे 3.02 वाजता त्यांनी अखेरचा श्वास घेतला. मनोहर जोशी (Manohar Joshi ) हे लोकसभेचे अध्यक्षही राहिले आहेत. सकाळी 11 ते 2 या वेळेत त्यांचे पार्थिव अंत्यदर्शनासाठी माटुंगा रुपारेल महाविद्यालयाजवळील त्यांच्या निवासस्थानी ठेवण्यात येणार आहे. दुपारी 2 नंतर दादर स्मशानभूमीत त्यांच्या पार्थिवावर अंत्यसंस्कार करण्यात येणार आहेत.
मनोहर जोशी हे शिवसेनेचे संस्थापक बाळासाहेब ठाकरे यांच्या अत्यंत जवळचे होते. शिक्षक होण्यापासून ते लोकसभा अध्यक्ष होण्यापर्यंतचा प्रवास त्यांनी केला होता, जाणून घेऊया त्यांच्याबद्दल…
शिक्षक ते मुख्यमंत्री असा प्रवास
मनोहर जोशी हे शिक्षक होते. जोशी हे त्यांच्या सुरुवातीच्या आयुष्यात आरएसएसशी संबंधित होते, त्यानंतर 1966 मध्ये शिवसेनेची स्थापना झाल्यानंतर ते त्यात सामील झाले आणि त्याच पक्षातून मुख्यमंत्री ते लोकसभा अध्यक्ष झाले. जोशी 1976 ते 1977 या काळात मुंबईचे महापौरही होते. त्यानंतर 1995 मध्ये महाराष्ट्रात शिवसेना आणि भाजपचे युतीचे सरकार स्थापन झाले आणि त्यानंतर त्यांना मुख्यमंत्री करण्यात आले. जोशी 1999 पर्यंत 4 वर्षे मुख्यमंत्री होते.
बाळासाहेब ठाकरे यांचे सर्वात विश्वासू होते
मनोहर जोशी हे बाळासाहेब ठाकरे यांचे अत्यंत विश्वासू नेते होते. बाळासाहेब ठाकरे म्हणाले होते की मी मुख्यमंत्री होणार नाही, त्यामुळेच त्यांनी आपले जवळचे मित्र मनोहर जोशी यांना मुख्यमंत्री केले होते.
मनोहर जोशी लोकसभेचे अध्यक्षही झाले
मुख्यमंत्री झाल्यानंतर 2002 मध्ये केंद्रातील अटलबिहारी वाजपेयी सरकारच्या काळात जोशी यांना लोकसभा अध्यक्ष बनवण्यात आले होते. त्यावेळी शिवसेना आणि भाजपची युती होती. जोशी यांनी 2004 पर्यंत लोकसभा अध्यक्षपद भूषवले होते.
महत्वाच्या बातम्या-
‘या’ दिवशी मुंबई इंडियन्स खेळणार आयपीएल २०२४चा पहिला सामना, पाहा पंड्याचे संघाचे वेळापत्रक
Sharad Pawar | सगळं दिलं पण पाच टक्केही निष्ठा पाळली नाही, शरद पवार यांचा हल्लाबोल