Porsche car Accident | मुख्यमंत्री शिंदेंचा थेट पोलीस आयुक्तांना फोन

पुण्यात कल्याणीनगर इथं शनिवारी रात्री झालेल्या वाहन अपघात प्रकरण (Porsche car Accident ) सध्या चांगलेच चर्चेत आहे. कल्याणी नगर जंक्शन भागात रविवारी पहाटे नंबरप्लेट नसलेल्या पोर्श कारने मोटरसायकलला धडक दिली होती. या अपघातात दोन दुचाकीस्वारांचा मृत्यू झाला होता. याप्रकरणी आता पुणे पोलिसांकडून मोठी कारवाई करण्यात आली आहे. पोलिसांनी अल्पवयीन आरोपीचे वडील विशाल अग्रवाल (Porsche car Accident ) यांना छत्रपती संभाजीनगरमधून अटक केली आहे.

या प्रकरणात पोलिसांनी मुलाच्या वडिलांसह पबमध्ये प्रवेश देणाऱ्या हॉटेल कोझीचे मालक प्रल्हाद भुतडा, व्यवस्थापक सचिन काटकर, हॉटेल ब्लॅकचे मालक संदीप सांगळे, बार व्यवस्थापक जयेश बोनकर यांच्यावर गुन्हा दाखल केला होता. दरम्यान,  राज्याचे गृहमंत्री देवेंद्र फडणवीस यांनी या प्रकरणी कठोर कारवाई करण्याचे आदेश दिले होते. त्यानंतर आता मुख्यमंत्री एकनाथ शिंदे यांनीही पुणे पोलिसांना आदेश दिले आहेत.

पुणे पोर्शे कार अपघात प्रकरणात कोणालाही सवलत देऊ नये. या प्रकरणात दोषी असलेल्यांवर कठोर कारवाई करा असे आदेश मुख्यमंत्री एकनाथ शिंदे (Eknath Shinde) यांनी दिले आहेत.  देवेंद्र फडणवीस यांनी पुणे पोलीस आयुक्त अमितेश कुमार यांना फोन करुन आदेश दिले आहेत. या प्रकरणातील आरोपीला जामीन मिळाला असला तरी त्याविरुद्ध अपील दाखल करण्याच्या देखील सूचना दिल्यात. या प्रकरणात आरोपीला कोणती विशेष ट्रिटमेंट दिली असल्यास, त्यावेळचे पोलीस ठाण्यातील सीसीटीव्ही तपासून ते खरे असेल तर तत्काळ संबंधितांवर निलंबनाची कारवाई करा, अशाही सूचना दिल्या आहेत.

आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप