पुण्यातील सराईत गुन्हेगार शरद मोहोळवर भरदिवसा गोळीबार, रुग्णालयात उपचार सुरू

By Shweta Chidmalwad Last updated Jan 5, 2024

Sharad Mohol :- पुण्यातून एक धक्कादायक बातमी समोर येत आहे. पुण्यातील गुंड शरद मोहोळ याच्यावर कोथरुड येथे भरदिवसा गोळ्या झाडण्यात आल्या. कोथरुडमधील सुतारदरा भागात हा गोळीबार झाल्याची माहिती समजत आहे. शरद मोहोळला तीन गोळ्या लागल्याची माहिती आहे.

माध्यमांतील वृत्तांनुसार, कोथरुड भागात दहशत असलेला शरद मोहोळवर दुपारी सुतारदरा परिसरात हल्लेखोरांनी पिस्तुलातून तीन गोळ्या झाडल्या. या घटनेत मोहोळ गंभीर जखमी झाला. हल्लेखोर तेथून पसार झाले. त्याला तातडीने रुग्णालयात दाखल करण्यात आले. शरद मोहोळची प्रकृती गंभीर आहे. या घटनेची माहिती मिळताच शहरात खळबळ उडाली आहे.