Breaking : शक्ती मिल सामुहिक बलात्कार प्रकरणातील तिन्ही आरोपींना फाशी नाहीच
मुंबई : संपूर्ण राज्याला हादरून टाकणाऱ्या शक्ती मिल (Shakti mill) सामुहिक बलात्कार प्रकरणातील नराधमांची फाशीची शिक्षा मुंबई हायकोर्टने (Mumbai High Court) रद्द केली असून विजय जाधव, कासीम बंगाली, सलिम अंसारी या नराधमांना जन्मठेपेची शिक्षा सुनावली आहे.
२०१३ मधील या प्रकरणातील आरोपींनी फाशीच्या शिक्षेला आव्हान दिलं होतं. घटना घडली तेव्हा लोकांचा रोष अधिक होता. पण कायद्याचा विचार करता हे प्रकरण फाशीचे नाही असं कोर्टाने यावेळी नमूद केलं.
आरोपींनी मुंबई सत्र न्यायालयाने ४ डिसेंबर २०१४ ला या सुनावलेल्या फाशीच्या शिक्षेला आव्हान दिलं होतं. हायकोर्टाने ही याचिका फेटाळून लावली होती. आरोपींची शिक्षा निश्चित करण्यासंबंधीचा निर्णय हायकोर्टाने राखून ठेवला होता. दरम्यान आज निर्णय सुनावताना कोर्टाने फाशीची शिक्षा रद्द केली असून शिक्षेचे जन्मठेपेत रूपांतर करण्याचा निर्णय दिला.
हे देखील पहा