Tristan Stubbs | आ रा रा रा खतरनाक…. चेंडू वेगाने जात असताना ट्रिस्टन स्टब्सने हवेत घेतली उडी अन् मग…
Tristan Stubbs Fielding | आयपीएल 2024 च्या 40 व्या सामन्यात दिल्ली कॅपिटल्सने गुजरात टायटन्सचा 4 धावांनी पराभव केला. दिल्लीला हा निकटचा विजय मिळवून देण्यात ट्रिस्टन स्टब्सचे मोठे योगदान होते. स्टब्सने संघासाठी 19व्या षटकात पाच धावा वाचवून संघाच्या विजयात महत्त्वाची भूमिका बजावली. स्टब्सने 5 धावा वाचवल्या आणि दिल्लीने 4 धावांनी विजय मिळवला. स्टब्सच्या (Tristan Stubbs) या शानदार फिल्डिंगचा व्हिडिओ सोशल मीडियावर वेगाने व्हायरल होत आहे.
रशीद खान दिल्ली कॅपिटल्सचा वेगवान गोलंदाज रसीख दार सलामच्या स्लोअर चेंडूवर लाँग ऑफवर एक दमदार शॉट मारत असल्याचे व्हिडिओमध्ये दिसत आहे. रशीदचे फटके पाहता तो षटकार सहज मिळवेल असे वाटते. पण अचानक ट्रिस्टन स्टब्स सीमारेषेजवळ घुसला आणि त्याने हवेत उडी मारून चेंडूला सीमारेषा ओलांडण्यापासून रोखले.
स्टब्सचा हा प्रयत्न खरोखरच पाहण्यासारखा होता. त्याच्या प्रयत्नांमुळे दिल्लीचा विजय जवळ आला. 19व्या षटकाच्या दुसऱ्या चेंडूवर क्षेत्ररक्षणाचा हा शानदार प्रयत्न पाहायला मिळाला. चेंडू सीमारेषेच्या बाहेर फेकल्यानंतर स्टब्स स्वतः आत पडत असल्याचे व्हिडिओमध्ये दिसत आहे.
224 धावा करूनही दिल्ली पराभवाच्या जवळ होती
अरुण जेटली स्टेडियमवर झालेल्या या सामन्यात दिल्ली कॅपिटल्सने प्रथम फलंदाजी करताना 20 षटकांत 4 गडी गमावून 224 धावा केल्या. संघासाठी, कर्णधार ऋषभ पंतने 43 चेंडूत 5 चौकार आणि 8 षटकारांच्या मदतीने 88* धावांची सर्वात मोठी खेळी खेळली. याशिवाय अक्षर पटेलने 43 चेंडूंत 5 चौकार आणि 4 षटकारांच्या मदतीने 66 धावा केल्या.
त्यानंतर लक्ष्याचा पाठलाग करण्यासाठी आलेल्या गुजरात टायटन्स संघाला 20 षटकांत केवळ 220 धावा करता आल्या. साई सुदर्शनने 39 चेंडूत 7 चौकार आणि 2 षटकार लगावत संघासाठी 65 धावांची सर्वात मोठी खेळी खेळली. पण, सुदर्शनची खेळी संघाला विजय मिळवून देऊ शकली नाही.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
महत्वाच्या बातम्या :
Jay Pawar | संसदरत्न फार मोठा पुरस्कार नाही; जय पवार यांची पहिल्यांदाच सुप्रिया सुळेंवर थेट टीका