सावधान! स्मार्टफोन चार्ज करताना चुकूनही करू नका ‘या’ चुका, नाहीतर फोनची बॅटरी होईल खराब
Smartphone Charging Tips: आजच्या काळात स्मार्टफोनला खूप महत्त्व आले आहे. फोनचा वापर अनेक गोष्टींसाठी केला जातो. यामुळेच काही लोकांना स्मार्टफोनशिवाय दोन मिनिटेही जगणे कठीण झाले आहे. तर, काही लोकांना फोन पूर्ण चार्ज ठेवण्याची सवय असते, तर काही लोक चार्जिंगदरम्यान अशी चूक करतात, ज्यामुळे नंतर समस्या उद्भवू शकतात. चला जाणून घेऊया त्या चुकांबद्दल ज्या चार्जिंग दरम्यान चुकूनही करू नयेत.
बॅटरी चार्ज होण्यापूर्वी फोन चार्ज करा
असे बरेच लोक आहेत जे बॅटरी संपेपर्यंत फोन वापरतात. जोपर्यंत फोनची पूर्ण चार्जिंग उतरत नाही तोपर्यंत तो स्क्रोल करून वापरण्याचे चक्र चालूच असते. सोप्या भाषेत सांगायचे झाले तर, काही लोक चार्जिंग अलर्ट मिळाल्यानंतरच फोन चार्जिंगवर ठेवतात. कधीही फोनची बॅटरी संपण्‍याची वाट पाहू नका, तर फोन सुमारे 20 टक्केवरच असताना तो चार्जवर ठेवा.
मूळ चार्जरनेच चार्ज करा
बर्याच लोकांसाठी, फक्त त्यांचा फोन चार्ज करणे महत्वाचे असते. अशावेळी मग ते चार्जिंगसाठी कोणतेही चार्जर वापरतात. तथापि, असे करू नये. तुम्ही नेहमी तुमच्या फोनसोबत आलेला मूळ चार्जर वापरावा.
100 टक्क्यांपेक्षा जास्त चार्ज करू नका
काही लोक फोन चार्ज करण्यासाठी रात्रभर चार्जिंगवर सोडतात किंवा चार्जिंगवरुन काढायला विसरतात. अशा परिस्थितीत फोनची बॅटरी 100 टक्क्यांहून अधिक चार्ज झाल्यानंतरही ती चार्ज होत राहते. अशा प्रकारच्या चुकीमुळे तुमचा फोन अकाली खराब होऊ शकतो. फोन दीर्घकाळ चार्ज केल्याने बॅटरीवर ताण पडतो, ज्यामुळे तो खराब होण्याची शक्यता असते.