छगन भुजबळ यांचा फोटो मॉर्फ करणार्या भाजप आमदार अतुल भातखळकरांवर कारवाई करा – जयंत पाटील
नागपूर – भाजप आमदार अतुल भातखळकर (Atul Bhatkhalkar) यांनी राष्ट्रवादी काँग्रेसचे ज्येष्ठ नेते आणि माजी मंत्री छगन भुजबळ (Chhagan Bhujbal) यांचा मॉर्फ केलेला फोटो आपल्या सोशल मीडिया हँडलवर प्रसारित करून त्यांना ट्रोल करण्याचा प्रयत्न केला. याकडे माजी मंत्री जयंत पाटील (jayant Patil) यांनी आज सभागृहाचे लक्ष वेधले.
सभागृहातील सदस्यच दुसऱ्या सन्माननीय आणि ज्येष्ठ सदस्यांचा फोटो मॉर्फ करून सोशल मीडियावर प्रसारित करून ट्रोल करत असेल तर ते योग्य नाही. गृहमंत्री त्यांच्यावर काय कारवाई करणार असा सवालही जयंत पाटील यांनी केला.
सरस्वती देवीला न मानणारा एकदम ओरिजनल सांता क्लॉज… pic.twitter.com/pUMSkKVfa5
— Atul Bhatkhalkar (@BhatkhalkarA) December 21, 2022
छगन भुजबळ यांचे मोबाईलमधील ते छायाचित्र दाखवत हे अतिशय गंभीर आहे असेही जयंत पाटील म्हणाले.दरम्यान राजकीय नेत्यांनी अशा गोष्टी करु नये त्यांनी सोशल मिडियावर संहिता पाळाव्यात असे गृहमंत्री देवेंद्र फडणवीस यांनी सभागृहात सांगितले.
आमदार अतुल भातखळकर यांनी माजी मंत्री छगन भुजबळ साहेबांचा मॉर्फ केलेला फोटो आपल्या सोशल मीडिया हँडलवर प्रसारित करून त्यांना ट्रोल करण्याचा प्रयत्न केला. त्यावर सभागृहाचे लक्ष वेधले. #हिवाळीअधिवेशन2022 #नागपूर_अधिवेशन #महाराष्ट्र @ChhaganCBhujbal @NCPspeaks pic.twitter.com/OFQFt8cAPk
— Jayant Patil- जयंत पाटील (@Jayant_R_Patil) December 21, 2022