‘अली विरुद्ध बजरंगबली’ असं वक्तव्य करणे भाजप नेत्याला पडले महागात, निवडणूक आयोगाने आता उचलले ‘हे’ पाऊल
नवी दिल्ली : उत्तर प्रदेशमध्ये निवडणुकांबाबत जोरदार भाषणबाजी सुरू आहे. अशात गाझियाबाद जिल्ह्यातील लोणी येथील भाजपचे आमदार नंदकिशोर गुर्जरही त्यांच्या एका वक्तव्यामुळे चर्चेत आले आहेत. यावेळच्या निवडणुकीत त्यांना पुन्हा उमेदवारी देण्यात आली आहे, या आनंदात त्यांनी शनिवारी कार्यकर्त्यांसमोर निवेदन दिले, जे सोशल मीडियावर व्हायरल झाले. हे वक्तव्य व्हायरल झाल्यानंतर आता निवडणूक आयोगाने त्यांच्याविरोधात नोटीस पाठवली आहे.
काय होते नंदकिशोर गुर्जर यांचे वक्तव्य?
लोणीचे आमदार नंदकिशोर गुर्जर यांनी आपल्या विरोधी पक्षावर निशाणा साधताना जिनांबद्दल बोलणारा पक्ष कुठेही उभा राहत नाही, असे म्हटले आहे. ते म्हणाले की, जे कावड यात्रेवर बंदी घालतात, जे दहशतवादाचे समर्थन करतात. जनता त्याचा जामीन रद्द करेल. ते म्हणाले की, सरकारने शेतकऱ्यांसाठी खूप काही केले आहे. शेतकरी भाजपसोबत आहे.
ते म्हणाले की, सपा सरकारने उसाचे पैसे दिले नाहीत. पण भाजपने केले.तिकीट कन्फर्म झाल्यावर गुर्जर यांनी घोषणाबाजी केली. ;’मी पुन्हा यूपीत भगवा फडकवणार’, असे ते म्हणाले. याशिवाय त्यांनी प्रभू रामाचे नामस्मरणही खूप केले. ‘लोनी में ना अली ना बाहुबली फक्त बजरंगबली’ हे त्यांचे सर्वात वादग्रस्त विधान होते.