हे लोक पाकिस्तानमधून…; आरपीएफ जवानाने जयपूर-मुंबई रेल्वेत गोळ्या झाडण्यामागचे कारण आले समोर

चेतन सिंह याला अस्वस्थ वाटत असल्याने त्याला रेल्वेमधून उतरायचं होतं, पण त्याला आपली ड्युटी पूर्ण करण्याचे सांगण्यात आले. तसेच मुंबई येथे पोहोचल्यानंतर औषध घेण्याचे सुचवण्यात आले. चेतन सिंह याला याचा खूप राग आला आणि यामुळेच वादाला सुरुवात झाली. रागाने बेभान झालेल्या चेतन सिंहने आपल्या एक कर्मचाऱ्याचा गळा दाबण्याचा प्रयत्न केला. त्यानंतर त्याने रागात गोळी चालवली. तसेच कोचमधील वेगवेगळ्या डब्ब्यात जाऊन प्रवाशांवर गोळ्या चालवल्या. ज्यात तीन प्रवाशांचा दुर्देवी मृत्यू झाला.

व्हायरल व्हिडिओत काय म्हणतोय चेतन सिंह
दरम्यान घटनेवेळच्या व्हायरल झालेल्या व्हिडिओमध्ये चेतन सिंह बोलताना दिसत आहे. हे लोक पाकिस्तानमधून ऑपरेट झाले होते. म्हणून त्यांना मारल्याचं तो सांगतो. आपली माध्यमेही हेच सांगतील. भारतात रहायचं असेल, तर केवळ मोदी आणि योगीच…, आणि तुमचे ठाकरे असेही चेतन सिंह या व्हिडिओत म्हणताना दिसून येत आहे. त्यामधील त्याचे काही शब्द निटसे ऐकू येत नाहीत.