कोण आहे शाहरुखची लाडकी सुहाना खानचा बॉडीगार्ड? दीपिका ते कॅटरिनापर्यंत बड्या स्टार्ससोबत केलंय काम
शाहरुख खानची मुलगी सुहाना खानसोबत (Suhana Khan) दिसणारा धडाकेबाज तरुण आता प्रसिद्धीच्या झोतात आला आहे. नुकतीच सुहाना खान मुंबई विमानतळावर दिसली. यावेळी तिच्यासोबत एक उंच, धडधाकट व्यक्ती दिसली, ज्याला पाहून प्रेक्षक थक्क झाले. त्यानंतर ही व्यक्ती कोण आहे? याचा तपास सुरू झाला. तर सुहाना खानसोबत दिसणारा हा देखणा तरुण दुसरा तिसरा कोणी नसून तिच्या सुरक्षेची काळजी घेणारा तिचा बॉडीगार्ड (Suhana Khan Bodyguard) आहे.
सुहाना खानच्या बॉडीगार्डचे नाव दीपक सिंह (Deepak Singh) आहे, ज्याने याआधी अनेक बड्या बॉलिवूड स्टार्सच्या सुरक्षेची जबाबदारी सांभाळली आहे. चला तर जाणून घेऊया कोण आहे सुहाना खानचा हा नवा बॉडीगार्ड?
कोण आहे सुहाना खानचा बॉडीगार्ड?
सुहाना खानचा बॉडीगार्ड दीपक सिंह हा आग्रा येथील रहिवासी आहे. त्याचे वडील हवाई दलात अधिकारी आहेत. मीडिया रिपोर्ट्सनुसार, खास गोष्ट म्हणजे तो अभिनेता रोनित रॉयचा मेहुणा आहे. 1999 मध्ये ते आग्राहून मुंबईत आले. मायानगरीत आल्यावर त्याचे स्वप्न क्रिकेटर होण्याचे होते. त्याने भारतीय क्रिकेट संघाचा यष्टीरक्षक चंद्रकांत पंडित यांच्याकडून प्रशिक्षणही घेतले आहे.
क्रिकेटर बनण्याचे होते स्वप्न
सुहाना खानचा सुरक्षा रक्षक दीपक सिंग क्रिकेटर बनण्याचे स्वप्न पाहत असे. तो एक ट्रेंड क्रिकेटर देखील आहे. पण त्याचे नशीब त्याला खेळातून मनोरंजन विश्वात घेऊन गेले. तो सेक्युरिटी फर्म सेकमध्ये सामील झाला आणि अनेक प्रसिद्ध स्टार्सच्या सुरक्षेची जबाबदारी सांभाळली.
इंडियन एक्स्प्रेसच्या वृत्तानुसार, ‘दीपक सिंगने आपल्या करिअरबद्दल सांगितले होते की, तो मुंबई क्रिकेट समर कॅम्पमध्ये सहभागी होण्यासाठी आला होता. जिथे त्यांनी चंद्रकांत पंडित यांच्याकडून प्रशिक्षण घेतले. पण तो फक्त कॉलेज स्तरापर्यंतच खेळू शकला. त्याला मोठ्या लीगमध्ये संधी मिळाली नाही.” मुलं शाळेच्या वेळेपासूनच क्रिकेटचं प्रशिक्षण घेत असल्याचंही त्याने सांगितलं. मात्र त्याने प्रशिक्षणासाठी उशीर केला आणि हे देखील त्याला या क्षेत्रात करिअर करू शकले नाही याचे कारण बनले.
दीपिका पदुकोण ते कॅटरिना कैफचा राहिलाय बॉडीगार्ड
सुहाना खानपूर्वी दीपक सिंगने दीपिका पदुकोण, रणबीर कपूर ते कॅटरिना कैफ अशा प्रसिद्ध अभिनेत्रींची सुरक्षा सांभाळली आहे. दीपक सिंगला तुम्ही कॅटरिना कैफसोबत अनेक फोटोंमध्ये पाहिलं असेल. त्यानंतर तो शाहरुख खानसोबत जोडला गेला आणि आता तो शाहरुखच्या मुलीचे रक्षण करत आहे.