रंगा-बिल्ला कोण होते ? त्यांनी असं काय केलं होतं ज्याची चर्चा परदेशातही झाली 

नवी दिल्ली – रंगा-बिल्ला (Ranga Billa) हे काल्पनिक नावं नाहीत. ते दिघे  भारतातील कुख्यात गुन्हेगारांपैकी एक होते. रंगाचे खरे नाव कुलजीत सिंग आणि बिल्लाचे खरे नाव जसबीर सिंग होते. त्यांचा गुन्हा एवढा मोठा होता की संपूर्ण देश हादरून गेला होता. उलट परदेशातही त्याच्या गुन्ह्याची चर्चा झाली. चला तर मग आज आपण जाणून घेऊयात रंगा-बिल्ला कोण होते?

1978 मध्ये नौदल अधिकारी मदन चोप्रा (Madan Chopra) यांची मुले  गीता आणि संजय चोप्रा अपहरण आणि हत्याकांडाने (Kidnapping and murder) दिल्लीसह संपूर्ण देश हादरला. रंगा आणि बिल्ला यांनी गीता आणि संजयची हत्या केली तेव्हा गीता 16 आणि संजय 14 वर्षांचे होते. परदेशातही या घटनेची चर्चा झाली.

रंगा आणि बिल्ला यांनी नौदल अधिकारी मदन मोहन चोप्रा गीता आणि संजय चोप्रा यांच्या दोन्ही मुलांचे 26 ऑगस्ट 1978 रोजी खंडणीसाठी अपहरण केले होते, परंतु पुढे गीतावर रंगा आणि बिल्ला यांनी बलात्कार केला होता.  यानंतर जेव्हा रंगा आणि बिल्ला यांना समजले की मुलांचे वडील नौदल अधिकारी आहेत त्यानंतर त्यांनी त्या दोघांची हत्या केली.

28 ऑगस्ट 1978 रोजी अपहरणानंतर दोन दिवसांनी दोन्ही मुलांचे मृतदेह सापडले. हे प्रकरण मीडियात आल्यानंतर दिल्ली पोलिसांना वेगाने तपास करावा लागला. रंगा आणि बिल्लाचे फोटो देशभर प्रसिद्ध झाले. 8 सप्टेंबर 1978 रोजी अटक करण्यात आली होती रंगा आणि बिल्ला यांना 8 सप्टेंबर 1978 रोजी अटक करण्यात आली होती. सैनिकांसाठी राखीव असलेल्या कालका मेलच्या डब्यात चढल्यावर दोघांनाही आग्रा येथे अटक करण्यात आली. वर्तमानपत्रात प्रसिद्ध झालेल्या त्याच्या फोटोवरून एका सैनिकाने त्याला ओळखले होते. 4 वर्षे चाललेल्या सुनावणीनंतर 1982 मध्ये रंगा-बिल्लाला फाशी देण्यात आली. पुढे नौदल अधिकाऱ्याच्या दोन्ही मुलांच्या नावाने नंतर शौर्य पुरस्कार सुरू करण्यात आला, जो दरवर्षी दिला जातो.